ئەنجومەنی وەزیران دامەزراندنی لەوەزارەتی پەروەردەش راگرت

PUKMEDIA

لۆگۆی حکومەتی هەرێم

دوای ئەوەی دوێنی ئەنجومەنی وەزیران بڕیاری دامەزراندنی هەزار فەرمانبەر و مامۆستای بە لەجیاتی دانان هەڵوەشناندەوە لە وەزارەتی خوێندنی باڵا، ئەمڕۆ بڕیارەكە وەزارەتی پەروەردەشی گرتەوە.

بەپێی ناوەڕۆكی نووسراوەكەی ئەنجومەنی وەزیران كە بە ژمارە (10213) لە 24ی 8ی 2025 دەرچووە، جەخت لەسەر ئەوە كراوەتەوە كە كار بە نووسراوەكانی پێشوو ناكرێت سەبارەت بە دانانی مامۆستایانی وانەبێژ بە گرێبەست لەسەر داهاتی ناوخۆ.

ئاماژە بەوەشكراوە، ئەم بڕیارە لە چوارچێوەی جێبەجێكردنی هەردوو بڕیاری ئەنجومەنی وەزیران بە ژمارە 269  لە 5ی 2ی 2025 و ژمارە 292 لە 15ی 10ی 2025، هاتووە و بە هەموو شێوازێك دامەزراندن لەسەر داهاتی ناوخۆ راگیراوە و بۆ كاری پێویست ئاڕاستەی لایەنە پەیوەندیدارەكان كراوە.

هەرچەندە وەزارەتی پەروەردە پێش ئەم بڕیارە لە مانگەكانی پێشتور پڕۆسەی لە جێگادانانی لە رێگەی پەروەردەكان جێ بەجێكردوە دیار نییە ئەو كەسانەی لە پێش ئەم بڕیارە لە جێگەدانانیان بۆكراوە هەڵدەوەشیتەوە یان تەنها بۆ لەمەودوا وەزارەتی پەروەردە ناتوانن لە جێگەدانان بكەن.

هاوكات وەزارەتی پەروەردە پەرەپێدانی پڕۆگرامەكانی خوێندنی پیشەیی  لە رێككەوتی 6ی 8ی 2026 ئاشكرا كرد و رایگەیاند: لەئەمساڵی نوێی خوێندندا 995 مامۆستای لادراو دانراونەتەوە بەپێی ئەم بڕیارە ئەگەر لە دوای 24ی 8ی 2025، دانراببن ئەوا بە گرێبەستبونیان هەڵدەوەشیتەوە بەپێی ئەم بڕیارە.

ئەمەش لەكاتێكدایە، پێشتریش وەزارەتی خوێندنی باڵا و توێژینەوەی زانستی بڕیاری دامەزراندنی بەشێوەی گرێبەست بۆ هەزار دەرچوو دەركرد، بەڵام ئەنجومەنی وەزیرانی هەرێم، بە نوسراوێك ئەو دامەزراندنەی هەڵوەشاندەوە.

PUKMEDIA

دەقی نووسراوەكە: