سەرۆک بافڵ بۆ کونسوڵی نوێی ئەڵمانیا: یەکێتی پشتیوانت دەبێت

راگەیاندنی سەرۆکی یەکێتی

کۆبوونەوەی سەرۆک بافڵ و کونسوڵی نوێی ئەڵمانیا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە کریستیان ئۆلفکێ، کونسوڵی گشتیی نوێی ئەڵمانیا لە هەرێمی کوردستان کرد.

سەرۆک بافڵ پیرۆزبایی دەستبەکاربوونی لە کونسوڵی گشتیی نوێی ئەڵمانیا کرد و هیوای سەرکەوتنی لە ئەرکەکەیدا بۆ خواست. هاوکات ئامادەیی یەکێتیی نیشتمانیی کوردستانی بۆ هاوکاری و سەرخستنی کارەکانی دووپاتکردەوە.

لە دیدارەکەدا دۆخی گشتیی هەرێمی کوردستان، عیراق و ناوچەکە تاوتوێ کرا و بافڵ جەلال تاڵەبانی جەختی لە گرنگیی بەردەوامیی هاریکاری و پەیوەندییەکانی نێوان لایەنەکان کردەوە، لەپێناو زاڵبوون بەسەر ئاڵنگارییەکان و کەمکردنەوەی گرژییەکاندا.

PUKMEDIA