گفتوگۆکان بۆ کۆتایی هێنان بە شەڕی ئۆکرانیا و ڕووسیا دەستپێدەکەنەوە

میدیاکان

ئاڵای ڕووسیا و ئه‌مریكا و ئۆکرانیا

یاریدەدەری سەرۆکایەتی ڕووسیا ئاشکرای دەکات دانوستانی نوێی ڕووسیا و ئه‌مریكا و ئۆكرانیا لە ناوه‌ڕاستی مانگی ئاینده‌ له‌ شاری ئه‌بوزه‌بی ئیمارات به‌ڕێوه‌ده‌چێت و دووپاتیشی دەکاتەوە: ململانێی ئۆكرانیا له‌ كۆتایی نزیكده‌بێته‌وه‌.

یوری ئوشاکۆڤ یاریدەدەری سەرۆکایەتی ڕووسیا لە کۆنگرەیەکی ڕۆژنامەوانیدا، زانیارییەکی نوێی سەبارەت بە شەڕی وڵاتەکەی و ئۆکرانیا ئاشکرا کرد و رایگەیاند، ئەمڕۆ سەرۆکی ڕووسیا له‌گه‌ڵ ستیڤ ویتكۆف نێرده‌ی تایبه‌تی سه‌رۆكی ئه‌مریكا له‌ سانت پترسبۆرگ کۆبووەتەوە و پێی راگەیاندووە، کە وڵاتەکەی لە رۆژی 10ی مانگی داهاتووەوە ئاماده‌یه‌ بۆ ده‌ستپێكردنه‌وه‌ی دانوستانه‌ سێقۆڵییه‌كان له‌باره‌ی ئۆكرانیاوه‌.

ئاماژەی بەوەشکردوە: گه‌ڕی نوێی گفتوگۆی سێقۆڵی كه‌ ڕووسیا و ئه‌مریكا و ئۆكرانیا له‌خۆده‌گرێت، ڕه‌نگه‌ له‌ ئه‌بوزه‌بی ئیمارات به‌ڕێوه‌بچیت.

یوری ئوشاکۆڤ وتیشی: ئێمە ئەبوزەبی وەک شوێنی کۆبوونەوەکە دەزانین و ڕێککەوتنێک هەیە کە لە دەوروبەری ناوەڕاستی مانگی ئاینده‌ بەڕێوەبچێت.

یاریدەدەری سەرۆکایەتی ڕووسیا ئەوەشی خستەڕوو، ململانێی ئۆكرانیا له‌ كۆتایی نزیكده‌بێته‌وه‌، به‌ڵام ئەستەمە دیاری بکرێت ئەو کۆتاییە تا چەند نزیکە.

PUKMEDIA