Pirsgirêk û daxwazên xelkê Xaneqînê gihandin serokkomar

PUKMEDIA

Serokkomarê Îraqê

Berpirsê Navenda Rêxistina Xaneqînê ya Yekîtiya Nîştimanî ya Kurdistanê (YNK) Karwan Yarwêş tekez kir ku daxwaz û pirsgirêkên bajarê Xaneqînê gihandine birêz SerokKomarê.

Karwan Yarwêş ji PUKMEDIAyê re ragihand: Me daxwaz û pirsgirêkên bajarê Xaneqînê û navçeyên kurdistanî yên li parêzgeha Diyaleyê pêşkêşî birêz SerokKomar Nîzar Amêdî kirin.
Wî anî ziman: Me di dema hevdîtinê de bi hûrgilî rewşa bajarê Xaneqînê û navçeyên kurdistanî yên li Diyaleyê xiste ber behsê û me tekez kir ku hestiyariya rewşa navçeyê pêdivî bi piştgirî û bersiveke cidî û dilsoz heye.

Wî diyar kir: Her wiha me di hevdîtinê de bi rêya çend dosyayên hûrgilî pirsgirêkên bingehîn ên bajarê Xaneqînê û derdora wê ligel SerokKomarê gotûbêj kirin û me çareseriyên destûrî û qanûnî ji bo wan pêşkêş kirin.
Wî wiha domand: Em spasiya girîngîpêdan û berpirsiyariya birêz Serokkomarê ji bo çareserkirina pirsgirêkan û girîngîpêdana wî bi bajarê Xaneqînê û navçeyên din ên kurdistanî yên li parêzgeha Diyaleyê dikin.

PUKMEDIA