Ji destpêka şerê Îranê 68 bûyer li avên Kendavê hatine tomarkirin

Ajans

Keştiyeke Taylendî li Gewriya Hurmizê

Rêxistina Navdewletî ya Deryayî ya ser bi Neteweyên Yekbûyî ve eşkere kiriye ku di nava 6 mehên şerê di navbera Amerîka û Îranê de, 68 bûyer li avên Kendavê û derdora wê hatine tomarkirin û di encamê de 20 deryavan an xebatkarên benderan hatine kuştin, 35 kes birîndar bûne û kesek jî wenda ye.

Li gorî amaran, ji destpêka şer de ji dawiya meha Sibatê heta nîveka meha Hezîranê di her 2-3 rojan de bûyerek hatiye tomarkirin ku bûye sedema kuştina 16 kesan û birîndarbûna 19 kesan. Piştre bi berdewamiya gotûbêjên aştiyê heta 7ê Tîrmehê rêje daket nîvî û bû yek bûyer di her 4-6 rojan de, lê belê di dema hilweşîna gotûbêjan de rêje vegeriyaye asta berê û di her 2-8 rojan de bûyerek hatiye tomarkirin.

Ev yek di demekê de ye ku derketina alozî û şer li Deryaya Kendavê bandoreke rasterast li ser tevgera bazirganiya cîhanî û ewlehiya veguhestina deryayî kiriye, bi taybetî ji ber armanc girtina keştiyên petrolê û keştiyên barkirinê yên bi alên welatên cuda, ku vê yekê rêxistinên deryayî yên navdewletî xistine nava rewşa amadebaşiyê.

PUKMEDIA