Amanc Celal: Silêmanî di baştirîn qonaxa avakirinê de ye

Ragihandina Parêzgarê Silêmaniyê

Bajarê Silêmaniyê

Rêveberê Giştî yê Veberhênanê yê Silêmaniyê radigihîne: Niha Silêmanî di qonaxa herî baş a avakirina xizmetguzariyên giştî de ye û dibêje: Ti astengî li pêşiya tomarkirina xaniyan, şoqeyan û yekeyan ji bo xelkê naverast û başûrê Îraqê nînin, belkî ev pêvajo berdewam e û ez misogeriyê jî didim wan kesên ku di berê de jî malên xwe li ser navê xwe tomar kirine, ti pirsgirêkeke yasayî ji bo wan çênabe.

Amanc Celal, Rêveberê Giştî yê Veberhênanê yê Silêmaniyê ji malpera fermî ya Yekîtiya Nîştimanî ya Kurdistanê (PUKMEDIA) re ragihand: Tevî krîza şer û aloziyên navçeyê, em du salên pir baş di warê veberhênanê û dayîna mûletan de derbas dikin û em dikarin bibêjin ku pêvajoya veberhênanê li bajarê Silêmaniyê aram û serketî ye, pêşveçûneke mezin daye hemû sektoran bi taybetî sektora geştiyariyê û pîşesaziyê, û ev pêngav jî vedigerin ser piştgiriya Cîgirê Serokwezîrê Herêmê Qubad Talabanî ku alîkarekî baş e ji bo rakirina astengiyan û kêmkirina rûtînan, ji bilî alîkariya berdewam a îdareya xwecihî ya bajarê Silêmaniyê, xweşbextane niha Silêmanî di qonaxa herî baş a avakirina xizmetguzariyên giştî de ye.

Derbarê astengîkirina xelkê naverast û başûrê Îraqê ji bo tomarkirina xaniyan, şoqeyan û yekîneyan li ser navê xwe, wî da xuyakirin: Dadgeha Kargêrî ya Silêmaniyê biryara xwe ya ji bo helweşandina biryarekî parêzgarê berê hebû, di dawiyê de jî ravekirineke temam ji aliyê Dadgeha Têhelçûnê ya Silêmaniyê ve hatiye dayîn, ku ti astengî li pêşiya tomarkirina xaniyan, şoqeyan û yekîneyan ji bo xelkê naverast û başûrê Îraqê nînin, belkî pêvajo berdewam e û ez misogeriyê didim hamî wan kesên ku di berê de jî malên xwe li ser navê xwe tomar kirine, ti pirsgirêkeke yasayî ji bo wan çênabe.

PUKMEDIA