Parêzgara Helebce: Amadekarî ji bo Festîvala Hinar û Payîzê bi dawî bûne

PUKMEDIA

Konferansa rojnamevanî ya Parêzgara Helebce

Tê payîn ku roja Çarşemê, Festîvala Hinar û Payîzê ya Helebceyê bi beşdariya berfireh ya cotkar û xwedanên karsaziyan ve bibe bila, Parêzgara Helebce jî tekezî li ser temamkirina hemû amadekariyan û dabînkirina hêsankariyan ji bo geştiyaran dike.

Îro 26ê 10ê 2026.an, Nuxşe Nasih, Parêzgara Helebce, di konferanseke rojnamevaniyê de li ser amadekariyên Festîvala Hinar û Payîzê ya Helebce da xuyakirin: Amadekariya temam ji bo birêveçûna festîvalê hatiye kirin û em li benda hatina hejmareke zêde ya geştiyaran in.

Her wiha got: Demeke herî guncaw ji bo festîvalê me hilbijartiye, bi awayekî ku tenê rojekê baran dibare û me otobêsên veguhastina geştiyaran ji destpêka têketina nav parêzgeha Helebceyê de ji bo ew geştiyaran dabîn kirine ku naxwazin otomobîlên xwe bînin nav Helebceyê.

Navbirî daxuyakirin jî di her çar rojan de çalakiyên cur bi cur tên lidarxistin û ji bilî hinarê, jin berhemên destî û xwarinên xwe û cotkar jî berhemên xwe yên curbicur nîşan didin.

Parêzgara Helebceyê her wiha got: Em spasiya Bêgerd Talebanî, Wezîra Çandiniyê û Jêderên Avê dikin ku her dem piştgir û alîkarê cotkar û parêzgeha Helebçeyê bûye.

Ew jî daxuyakirin ku wan daxwaz ji Wezîrê Perwerdeyê yê Hikûmeta Herêmê kiriye ku ew du rojên festîvalê yên ku dewam têde heye bê kirin bêhnvedan û em li benda bersivê ne.

Tê payîn ku roja 28ê 10ê 2026.an, Festîvala Hinar û Payîzê ya Helebceyê dest pê bike û çar rojan bidome.

PUKMEDIA