Îlham Ehmed: Em dixwazin nûnertiya Kurdan di nava dewletê de bi cî bikin

Ragihandina Zankoya Silêmaniyê

Wêneyekê Semînerê li Zanîngeha Silêmaniyê

Endama Komîteya Peywendiyên Derve ya Encumena Gel ya Sûriyê Îlham Ehmed, li Zanîngeha Silêmaniyê ragihand: Em dixwazin nûnertiya Kurdan di nava hikûmetê de bi cî bikin û beşekî rasteqîne bin û em xwediyê dewletê bin.

Siyasetmedara kurd Îlham Ehmed îro 26/10/2026`an semînereke li Zanîngeha Silêmaniyê pêşkêş kir û têde tekez kir û got: Kurd wekî gel li nava Sûriyê nedihatin naskirin, belkû rastî zordariyê dihatin û bi darê zorê yasayên înkarkirinê li ser wan dihatin ferzkirin, lê îro gihîştine qonaxa selmandina hebûna xwe.

Îlham Ehmed behsa rewşa perwerdeyê û guhertinên siyasî kir û tekez li ser redkirina dûrxistina kurdan ji sîstema perwerdeyê an jî bêparastina ji mafên wan kir û diyar kir ku, zimanê kurdî di guhertinên dawî yên li ser sîstema perwerdeyê de pêşveçûneke bi dest xistiye, û divê wekî mafekî rewa di destûrê de bê naskirin.

Derbarê pêvajoya tevlîbûnê de jî axivî û got: Hêzên Sûriyeya Demokratîk wekî hêzeke sereke di sîstema dewletê de beşdar dibin, û guhertin li ser Rêveberiya Xweser çêbûne. Lê wê bal kişand ser wê yekê ku beşdariya jinan di navendên biryargirtinê de hîn jî qels e, û hikûmeta veguhêz nahêle jin rola xwe ya tam û aktîv bilîzin.

Wê zêde kir ku rêxistina welat bi awayê ku rolekî ji bo kurdan misoger bike, pêdivî bi terxankirina ji sedî 20ê kursiyên parlamentoyê ji bo nûnerên kurdan heye, û avakirina komîteyekê ku mafên kurdan û rola wan diyar bike ji bo misogerkirina serkeftina pêvajoya tevlîbûnê.

Her weha di kongireyeke rojnamevanî de ku, PUKMEDIA jî amadebû, Îlham Ehmed tekez kir û got: Em dixwazin nûnertiya Kurdan di nava hikûmetê de bi cî bikin û beşekî rasteqîne bin û em xwediyê dewletê bin.

PUKMEDIA