Desteya Deverên Kurdistanî: Destûr û Madeya 140 Nexşerêya Çareseriyê ne

PUKMEDIA

Kerkûk

Desteya Deverên Kurdistanî daxuyaniyên parêzgarê Kerkûkê red dike û di daxuyaniyekê de tekez dike ku destûr bingehê sereke yê sîstema hukimraniyê ye li Îraqa nû û pabendbûna pê re, rêzgirtine li hember îradeya tevahiya pêkhateyan.

Naveroka daxuyaniyê:

Bingehê sereke yê sîstema rêveberiyê li Îraqa nû, destûra welate ku bûye peymaneke rastîn û gelên Îraqê bi hemû cudahiyên xwe ve wekî serbilindiyeke mezin a têkoşîna xwe li dijî dîktatoriyê amaje pê dikin. Pabendbûna bi vî destûrî re ne tenê pabendbûneke qanûnî ye û destgirtine bi wan destkeftên ku hatine bidestxistin, belkî rêzgirtine li hember îradeya gelên Îraqê.

Gelê Kurdistanê jî wekî pêkhateyeke girîng a vî welatî bi giringiyeke mezin ve – tevî nêrîn û têbîniyên xwe – dest bi vî bingehê sereke kiriye û wekî berhema xebateke dûr û dirêj w;ne dike, madeya 140 a destûrê jî wekî nexşerêya xwe ya herî diyar dîtiye ji bo çareserkirina pirsgirêkeke dêrîn a welatê xwe, ew jî pirsa nasnameya qadeke berfireh a axa wê ye li Îraqê.

Em bawer dikin ku destûrê rêçikeke hevseng ji me re daniye bi aliyê çareserkirina vê pirsê di çarçoveya Îraqa fîdral de. Ji ber vê yekê, her cure daxuyaniyeke nedestûrî ji aliyê parêzgarê Kerkûkê ve ku berevajî destûrê be, ji bilî ku em wê red dikin, em bi pêwîst jî dizanin ku di vê qonaxa hesas de, cenabê parêzgar giyanê pêkvejiyana rastîn li bajêr serdest bike û xwe ji bikaranîna gotinên ku berevajî destûr û îradeya rastîn a gelên Îraqê ne dûr bixe.

Daxuyanî û hevdîtinên nedestûrî qada bêbaweriyê berfireh dikin û balê jî ji ser pirsên xizmetguzariyê dide aliyekî, ku îro Kerkûk ji her demê zêdetir pêdiviya wê pê heye.

PUKMEDIA