Şayîsteyên malbatên şehîdan û zîndaniyên siyasî di bûdceyê de tê bicihkirin

PUKMEDIA

Kesûkarên Şehîdan

Bi mebesta hevtakirina mûçe, maf û şayîsteyên darayî yên malbatên şehîdan û zîndaniyên siyasî yên Kurdistanê di bûdceya Êraqê de tên bicih kirin.

Ji bo ku mûçeyên malbatên şehîdan û girtiyên siyasî yên Herêma Kurdistanê bi Êraqê re werin hevtakirin û di qanûna bûdceya sala bê de werin bicih kirin, biryare şandeke Wezareta Karûbarên Şehîdan û Enfalbûyiyan a Herêma Kurdistanê serdana Bexdayê bike û bi serokatî, wezaret û aliyên peywendîdar re bicive.

Rêveberê Giştî yê Xizmetguzariyan li Wezareta Karûbarên Şehîdan û Enfalbûyiyan Ehmed Mam Resûl, di vê derbarê de ji rojnameya Kurdistana Nwê re ragihand: "Di çarçoveya amadekariyên Herêma Kurdistanê de ji bo çespandina maf û şayîsteyên darayî yên çîn û texên xelkê Kurdistanê di qanûna bûdceya 2027an a hikûmeta federal de, şandeke Wezareta Karûbarên Şehîdan û Enfalbûyiyan serdana Bexdayê dike.

Ehmed Mam Resûl her wiha got ku; di dema serdanê de, şande dê bi Serokomar, Serokwezîr û wezaretên taybetmend ên hikûmeta federal re bicive û danûstandin dê li ser hemû ew maf û şayîsteyên darayî yên ku li Êraqê hene û pêwîst e bidin malbatên şehîdan û girtiyên siyasî yên li Herêma Kurdistanê jî, bên kirin.

PUKMEDIA