Hikûmeta Herêmê daxuyaniya "Dana Gas û Crescent Petroleum" red dike: Binpêkeke peymanî ye

PUKMEDIA

Logoya Hikûmeta Herêmê

Îro pêncşemê 6/8/2026an de, Hikûmeta Herêma Kurdistanê daxuyaniyek da û tê de nerazîbûna xwe ya tund li hemberî biryara "yek alî" ya herdu kompaniyên "Crescent Petroleum" û "Dana Gas" ya ku dest bi dabînkirina gaza sirûştî ji bo Wezareta Elektrîkê ya Îraqê kiriye bêyî ku razîbûna Hikûmeta Herêma Kurdistanê yan jî hevahengiyeke pêşwext ligel hebe.

Hikûmeta Herêma Kurdistanê di daxuyaniya xwe de diyar kir ku ew ji aliyê herdu kompaniyan ve hatine agahdarkirin di heman demê de ligel ragihandina wan a fermî di 4ê vê mehê de. Hikûmet tekez dike ku ev pêngava yek alî binpêkiriye eşkere ye ji bo pabendbûnên peymanê û destwerdaneke di rêkûpêkên sazîbûn û qanûnî de ku peywendiya di navbera Hikûmeta Herêma Kurdistanê û Hikûmeta Federal de rêk dixe.
Hikûmeta Herêma Kurdistanê tekez kir ku ew wekî saziyek destûrî di Komara Îraqa Federal de, pabend e bi bihêzkirina ewlehiya enerjiyê li herêmê û seranserê Îraqê bi rêya veberhênanên mezin di binesaziyê de. Wê diyar kir ku wê tu carî li dijî dabînkirina tu navçeyeke Îraqî bi gazê an elektrîkê derketibe, bi mercê ku ev yek di çarçoveya peymana birêvebirinê de û bi razîbûneke fermî ji Hikûmetê re wekî aliyê peymanê pêk were.

Hikûmeta Herêma Kurdistanê daxuyaniya fermî ya her du kampaniyan de red kir, ku spasiya herêmê hatiye kirin ji ber piştgiriya wan ji bo van dabînkirinan", û tekez kir ku "Herêmê li ser vê gavê ne razî bûye û ne jî destûr daye, û her îmayek bi piştgiriya wê ji bo vê biryara yekalî re, tiştekî ne rast e û raya giştî dixapîne.
Hikûmeta Herêmê da xuyakirin ku ew niha lêkolînê li ser encamên qanûnî, peymanî û xebatê yên ku ji tevgerên her du kampaniyan derdikevin dike, û teqez kir ku ew ê "hemû tedbîrên guncaw ji bo parastina mafên xwe, parastina yekitiya çarçoveya peymanî ya projeya Kormorê, û parastina berjewendiyên enerjiyê yên gelê Herêma Kurdistanê û Îraqê bigire.

Di dawiya daxuyaniyê de, hikûmetê  pabendbûna xwe ya tam bi karê avaker û hevpar re ligel Hikûmeta Federal ji bo zêdekirina hilberîna gazê û hilberîna krhrebê, li gorî rêkûpêkên ku bi awayekî alîkarî hatine lihevkirin û li gorî peymanan in û di berjewendiya gel de ne, nû kir.


PUKMEDIA