Ava Silêmaniyê: Tîmên me mijûlî çêkirina boriya şikyayî ne

Ragihandina Ava Silêmaniyê

Wêneyê Boriya Şikyayî

Îro 8/8/2026, boriya hêla duyemîn ya ava Dukan – Silêmaniyê şikest, û Berdevkê Rêveberiya Avê ya Silêmaniyê jî dibêje: Tevî têkçûna demkî ya rewşê ji ber şikestina boriyê, lêbelê hemû tîmên me bi hemû hêza xwe mijûlî çêkirina boriyê ne û di zûtirîn dem de av wê ji bo hemû taxên Silêmaniyê vegerê, ku ji berê çêtir be.

Berdevkê Rêveberiya Avê ya Silêmaniyê Amanc Celal, ji PUKMEDIAyê re ragihand: Vê sibehê di demekê de ku tîmên Rêveberiya Avê ya Silêmaniyê di rê de bûn ji bo karpêkirina sê pompên nû li ser hêla duyem a ava Dukan – Silêmaniyê bi armanca baştirkirina rewşa avê li wan taxên ku pirsgirêka kêmbûna avê hebû, lê belê ji me re ragihandin ku şofêlekî di dema xebata xwe de li taxa Qulereysî boriya ava hêla duyem a ava Dukan – Silêmaniyê şikandiye, ev yek jî karê me dereng xist.

Wî diyar jî kir: Niha ji ber vê yekê hemû tîmên rêveberiya me şandine cihê bûyerê û bi berdewamî di hewldanê de ne daku di zûtirîn dem de çêbikin û dabeşkirina avê dest pê bike ve.

Berdevkê Rêveberiya Avê ya Silêmaniyê tekez jî kir, ku ew ê li dûçûneke hûr bikin ji bo dîtina sedema tam a şikandina boriya han ji aliyê wî şofêrî ve û tedbîrên yasayî yên pêwîst li dijî binpêkaran werin girtin.

Amanc Celal amaje bi navên hin ji wan taxan kir ku ev rewş bandorê li ser wan dike û got: Şikandina vê boriyê bandorê li ser wan taxan dike ku avê ji hêla duyem a Dukan – Silêmaniyê werdigirin, wekî taxên: "Qirge - Sêtwan - Îbrahîm Ehmed – Kûrdsat".

PUKMEDIA