Karwana yekem a koçberên Serê Kaniyê dest bi vegerê kirin

PUKMEDIA

Koçberên Serê Kaniyê

Îro Duşem 10/8/2026'an, bi sedan malbatên Serê Kaniyê yên li bajarê Hesekê yê Rojavayê Kurdistanê diman, di çarçoveya karwana yekem a vegeriyan de piştî heft salan ji koçberiyê dest bi vegera li bajarê xwe kirin.

Koçberên Serê Kaniyê ji roja Yekşemê ve, dest bi amadekariyên xwe yên dawî ji bo vegerê kiribûn, li wir dest bi rakirina konên xwe û amadekirina mal, alav û pêdiviyên xwe kirin, bi mebesta amadekariya ji bo derketina ji kampan û berê xwe dan warên xwe.
Welatiyên Serê Kaniyê piştî êrişa artêşa Tirkiyê û çeteyên girêdayî wê ya di 9ê Cotmeha 2019an de ku bû sedema koçberbûna bi hezaran niştecihên bajar û gundewarên wê, ji bajarê xwe hatibûn derxistin.

Di vî warî de, rêvebera Komîteya Koçberên Serê Kaniyê Zehra Semû, di daxuyaniyekê de ji Ajansa Nûçeyan a Hawarê re diyar aşkire kiribû ku: Piştî salên dirêj ji êş û azarê, me dest bi amadekariyan destpêkirina karwanê yekem ê koçberan kir, bi rêya tomarkirina navên wan û radestkirina plêtên diravî ji wan re wekî piştgirî ji bo dabînkirina pêdiviyên wan di dema vegera wan a bo malên wan ên wêranbûyî de, ligel hevahengiyê bi Komîseriyê re ji bo anîna wesayîtan ji bo koçberan, da ku dest bi barkirina alav û malên xwe bikin.

Zehra Semû zêde kir: Rewşa bajar û gundan dijware ji ber wêraniyê, û qerebûyên darayî piştgiriyek in ji bo koçberan da ku bikaribn pêdiviyên xwe di dema pêvajoya vegerê de dabîn bikin û malên xwe ji nû ve ava bikin.
Amaje bi wê jî kir ku karwana yekem wê îro dest pê bike, û dê li pêşiya kampa Waşûkanî ya li bajarokê Tewîne yê bakurê Hesekê kom bûn çêbibe.
Û da zanîn ku pêvajoya qeydkirina kesên dixwazin vegerin dê ne tenê li ser koçberên ku dê di karwanê yekem de cih bigirin sînordar be, belkî ew ê di heyama pêş de jî bidome da ku malbatên din ên ku dixwazin vegerin Serê Kaniyê jî bigire nav xwe. komîteyê duh, bi hevrêziya bi saziyan re li hejmarek bajaran, di nav de Dêrik, Dirbêsiyê, Til Temir û Amûdê, dest bi qeydkirina navên malbatên ku berê nekarbûn qeyd bikin û dixwazin vegerin Serê Kaniyê, kir.

Û ev gav di çarçoveya hewldanên ji bo cîbicîkirina xalên peymana 29ê Kanûnê ya ku di navbera hikûmeta demkî û Hêzên Sûriyeya Demokratîk de hatiye girêdan de tê, ya ku xalên têkildarî garantîkirina vegera koçber bo deverên wan ên resen û vegerandina aramiyê li herêmên ku di nava peymanê de ne, dihewand.



PUKMEDIA