Dr. Yûsif Goran: Piştevanê navendanin ku li gorî pisporiyan lêkolînan bikin

Taybet

Wêneyekê Civînê

Melbenda Lêkolînan a (Y.N.K) pêşwazî li şandeke bilind a navaenda akademîk ACNS kir; ku navendeke lêkolînê ya nîştimanî ye ku di bihara îsal de hatiye damezrandin û xwe wekî saziyeke zanistî ya nîştimanî ragihandiye.

Îro 17/8/2026`an, Berpirsê Melbenda Lêkolînan ya (Y.N.K) Dr. Yûsif Goran, bi amadebûna Serokê Senterê Lêkolînên Paşerojê Dr. Omid Refîq, li bajarê Silêmaniyê pêşwazî li şandeke bilind a Navenda Akademîk a Lêkolînên Nîştimanî (ACNS) kir ku ji serok, cîgirê serok û hejmarek ji endamên desteya giştî û desteya rêveber a navendê pêk hatibûn.

Di hevdîtinê de, Berpirsê Melbenda Lêkolînan pîrozbahiya germ li damezrandina navenda akademîk (ACNS) kir û piştgiriya xwe, ya Melbenda Lêkolînan ya (Y.N.K) ji bo wê ragihand. Wî tekez kir ku ew piştgiriya her navendeke zanistî dikin ku li gorî pisporiyên cuda bixebite û valahiya di lêkolînên zanistî de tije bike.

Di wê çarçoveyê de, berpirsê melbendê wekî mînak amaje bi komek war û dosyayan kir ku lêkolîna zanistî li ser wan ne wekî pêwîst e, û amadebûna melbendê jî nîşan da ku di çarçoveya pêşkêşkirina projeyên lêkolînê yên pêwîst ji bo civak û rastiya Kurdistanê de, dê hevkar û piştevanê wê navendê bin.

Li hemberî vê yekê, şanda Navenda Akademîk a Lêkolînên Nîştimanî taybetmendî, armanc û erkên karên navenda xwe diyar kirin û amadebûna xwe ji bo hemahengiya zanistî bi Melbenda DLêkolînan a (Y.N.K) re nîşan dan, her wiha spasiya pêşwaziya germ û balkêş û têbîniyên bi sûd yên Melbenda Lêkolînan kirin.

PUKMEDIA