Serokê YNKê spasiya piştevaniyên Balyozê Rûsyayê dike

Nûsîngeha Ragihandina Serok Bafil

Wêneyê Civînê

Serokê Yekîtiya Nîştimanî ya Kurdistanê Bafil Celal Talebanî, li Debaşan pêşwazî li Balyozê Rûsyayê li Îraqê Elbrus Kotrashev, kir.

Bi boneya bidawîhatina erka xwe li Îraqê Elbrus Kotrashev malavayî li Serok Bafil kir.

Serokê YNKê spasiya piştgirî û piştevaniya berdewam ên Elbrus Kotrashev kir wekî dostekî nêzîk ê gelê Kurd û YNKê û got, ji bo her demê em rol û xizmetên we ji bîr nakin ku hûn faktoreke bihêz bûn ji bo xurtkirina peywendiyên di navbera gelê Kurd û Rûsyayê de.

Di civînê de tekezî li ser berdewamiya hevahengî û hevkariya zêdetir a di navbera her du aliyan de di çarçoveya parastina berjewendiyên bilind de hat kirin.

PUKMEDIA