Li Bexdayê banê avahiyekê hilweşiya: Kesek mir û 13 birîndar

PUKMEDIA

Avahiya hilweşyayî

Rêveberiya Berevaniya Sivîl roja Înê ragihand ku piştî hilweşîna banê avahiyekê li herêma Etîfiyeya Bexdayê, cenazeyê karkerekî hatiye derxistin û 12 karkerên din hatine rizgarkirin.

Di daxuyaniya Rêveberiya Berevaniya Sivîl de hat gotin ku di encama hilweşîna banê avahiyeke ku hîn di qonaxa avakirinê de ye li herêma Atîfiyê Kerxê ya paytext Bexdayê de, karkerekî jiyana xwe ji dest da û 12 karkerên din jî bi awayekî cuda birîndar bûn. Bûyer dema bêtonkirinê di nîvê şeva pêncşemê de dihatin kirin pêk hat.

Di daxuyaniyê de hat destnîşankirin ku tîmên rizgarkirinê yên berevaniya sivîl piştî gihîştina agahiyê tavilê ketine nava tevgerê, cenazeyê karkerê ku jiyana xwe ji dest dabû derxistine, birîndar derxistine û rakirin nexweşxaneyên nêzîk. Her wiha hat diyarkirin ku ji bo lêkolîna sedem û hûrgiliyên hilweşînê lêpirsîneke fermî hatiye vekirin.

PUKMEDIA