Peyamek ji bo Fazil Metnî

Şenaz Îbrahîm Ehmed

Te bê aqiliya yekem kir û ne tenê şekir şikand, lê te  şekirê Kerajê jî şikand !!

Eger hûn dixwazin rûpelên xiyanetê werin vekirin,pirsgirêk nîne werin em wan vekin, lê pêwîste em pêşî bizanin ku xiyanet, caşeyetî û xwefiroşî di ferhenga we de tê çi wateyê û li cem me ya di Kurdayetiyê de tê çi wateyê?

Te  behsa şikestinan kir, lê li gorî min başe ku ez vegerim salên 1940 an serdema Komara Mehabad, ma bavê min bû ku pişta xwe da Pêşewa û di çirkeyekê de ji Rûbara Aras derbas bû û bi ew cih hêla??Erê ew Bavê te ne bû ku bavê min ji Rûsya dubare vegerand Îraqê û piştre xiyanet lê kir, an bavê min bû?

Gelo bavê min bû ku di destpêka salên 1960an de firokeyên (Bagher û Sukhoi) û tankên hikûmeta Îraqê şandin ser gund û jin û zarokên we li Kanî Huseynî? Ma bavê min bû ku agir berda xaniyên ji heriyê çêkirî û pirtûk û bîranînên zarokatiya xwe şewitand? Erê bavê min bû yan bavê te ku bi serbilindî digot ez qeytanên pêlavên Ebdulkerîm im?


Erê ew bavê min bû yan bavê te ku Peymana Adarê li pişt perdê îmze kir û Kerkûkê ji danûstandinan derxist? Bêyî guhdana girîngî û hewldanên kesên ku Kerkûk wekî xala herî girîng ya peymanê danabûn?

Erê hûn bûn yan bavê min bû ku Aş Betalî kir û destê padîşahê Îranê maç kir? Ma bavê min bû ku termê Silêmanî Muînî û hevalên wî radestî Îranê kir ?

Erê ew bavê min nebû ku ji Mela Mistefa daxwaz kir ku ziyanê nede Kak Elî Eskerî, Dr. Xalid û Şêx Huseyîn daku nakokî kûrtir nebin? Ma bavê min bû Tawana Hekarî kir?

Erê ew bavê min bû yan yê we bû ku we Tankên Sedam anîn nava Hewlêr ya paytext û ew parlemana ku bi xwîna gelê me hatibû bi destxsitin we dagir kir?

Erê ew bavê min bû yan yê we bû ku zêdetirî 90 efserên endamên (INC) û opozisyona Îraqê ku li Hewlêr ya me penaber bûn radestî Sedam kirin û wî ew bi darvekirin?

Erê ew em bûn yan hûn bûn ku sibehê Şengal we radestî DAIŞê kir û we rê da ku keçên me yên delal li bazarên Reqayê bên kirîn û firotin?

Gelo bavê min petrola herêma talan kir firoşt ?Gelo bavê min bû yan yê we bû ku bi Referandûmek e bê ser bû ber ji sedî 51ê axa Kurdistanê, tevî Kerkukê jî, ji dest da?

Erê hûn nebû ku we bajarê delal yê Qela û minare kir şanoyek ji bo semakeran , ji bo modêl û keçên asta nizm li vir û wir?çê dibe ku têkelbûna we digel derdor û cîranan bandor li ser zimanê we jî kiribe!! Ji ber ku Bafil behsa serdemekê kir ku her kes şahidiya wê dike û têde dijî, lê tu behsa kolandina gora miriyan dikî!!..

Eger pêwîst be belge jî hene ez dikarim nameyên Pêşawa Qazî Mihemed, Mela Mistefa û Îdrîs Barzanî bixwînim û tomarên dengî yên di navbera bavê min û Birêz Mesûd bi xwe de di dema şerê navxweyî de û belgeyên Ehmed Çelebî ji bo we belav bikim?

Eger em bê deng in nayê wateya ku zimanê me hatiye jêkirin û tiliyên me jêbûne, em hest bi berpirsyartî dikin li hemberî jiyana welatiyên xwe û parastina aştî, yekîtî, aramî û li herêma me.

Gelek babet hene ku li vir cihê wê nabe û ez dixwazim vegerim ser Beyannameya ku we di 11 Adarê belav kiriye,eger hûrguliyên di nav Beyannameyê jî we ji bîr kiribin jî, min qet pankartên ku min bi destê xwe nivîsandine ji bîr ne kiriye li ser dîwarên Bexdayê ji bo me helwasin eger ji bîr kiribe, bila ez bînim bîra we ka li ser çi hatibû nivîsandin.

Mixabin, hûn her wisa bûne, ji ber vê yekê, hûn ne ji mirî û ne jî ji zindiyan re eleqeyê dikin.

Hûn wisa dizanin ku ji bo bi destxistina kursiyekê hûn dikarin destên xwe yên rûnkirî bi serên bilind paqij bikin.

10-11-2025