Efrîna min negirî

Helbest: Welîd Xelîl

Dilê min melorîne û meke qêrîn û hawar

Stûyê xwe netewîne…

Firmêskên xwe bi hêviyê paqij bike...

Hesretên te, rojekê dê bi dawî bibin…

Ez berge nagirim ku firmêskên te biherikin,..

 Bila neyarên me kêfxweş nebin…

Zû firmêskên xwe paqij bike...

Negirî,Kelha Nebî Horî ya min,..

Rojekê tu dê vegere ji bo Efrîniyan..

Negirî, kelha Seman ya min…

Negirî, dilê min, rojekê tu dê vegere…

Tu her strana azadî û hesretê dilê me...

Tu bê navber di dilê me de lêdide...

Negirî, Efrîna min, rojekê tu dê vegere...

Hez nakim tu bigirî...

Dizanim ku tu jî wek min birîndarî...

Lê êdî stêrk li esmanên geşbîniyên li asoyê azadiyê digirin...

Û digel me hevaltiyê dikin…

 Daku em xemgîn nebin…

Birûsk dilê me yê tarî ronî dike…

Em bawerin tu rojekê vegerî...

Me gelek şevên tarî di zîndanên ne dadperwerî…

Sitemkariyê de derbas kirin...

Çavên me ji nebûna te kor bûn...

Zimanê me lal bûn…

Lê xemgîn nebe...

Heta dildarên te hebin…

Û pelên darên Zeytûnên te …

Di hemû demsalan de Kesk bin…

Rojekê tu dê vegerî…

Raste…

Gelek kes hatin kuştin …

Darên Zeytûnên te hatin birîn...

Şûnwarên te hatin talankirin...

Û rûxandin…

Lê neyar nizanin ku Efrînî çiqas bêne kuştin …

Ew mîna tovan in ku bi sedan kes li cihê xwe şîn dikin...

Heya darên Zeytûnên te di çar demsalan de Kesk bin…

Tu dê her şîn û geş bibe û namire...

Heya çiyayên Hawar û Lêlonê pişta te bin…

Heya ku Efrîn afrandin be…

Hêvî û xeyalên neyaran dê pûç bibin…

Pûç bibin...

Pûç bibin...

06-12-2025.Şemî