Bihuşta Mezopotamya

Helbest :Welîd Hemîd

Efrîna berxwedêr,
Kobanê,
Qamîşloka Evînê,
Silêmanî,
Hewlêr,
Kerkûk,
Xaneqîn,
Mehabad,
Wan,
Dêrsim,
Amed.
Ez keleha berxwedanê me

Ez gel im.

Ez neviyê Kawa yê Hesinkar im.
Neviyê Mehmûd Berzencî me.
Neviyê Qazî Mihemed im.
Neviyê Şêx Seîdê Pîran im.
Neviyê Mezlûm Dogan û Zîlan im.
Neviyê Ziyad Helebî me.
Neviyê Şehîd Denîz Efrîni m.
Neviyê Arîn Mêrkan im.
Neviyê Evdoyê Murşîd im.
Neviyê Mame Rîşe me.
Neviyê Derwîşê Ebdî me.
Neviyê Ehmed Kerkûka Qudusa Kurdistanê me.

Ez goristaneke dojehî me,
ji bo neviyên Herbagos,
Beko Ewan,
û hemû xayîn û xwefiroşan im.

Bêhna min ewqas xurt e kî,
Ez bêdengiyê dişkînim, guhdarî Rovî û Çeqelan nakim,
Her demê tovê berxwedanê diçînim,
Geştir dikim,
Tarîtiya tund li cem min ne girîng e
Her çiqas zilm, êş, mirin û hemû tiştên wisa hebin jî,
Tova zadiyê her demê zindî dikim,
Eger hin kesên mirî hebin jî,
Bê guman Adar û Heyva Nîsanê dê biyabanên me bikin gulîstan,
Dê rojên azad û serfiraziyê bo me vegerînin,
Zevî û bihara azadiyê bi xwîna şahîdên me her geş dibin,
Destên germ belav dibin, daku bayê kirêt û qirêj biavêjin,
Daku jîyan û azadî ji nava şikeftinên mirin û tarîtiyê biherike.

Çarşem, 20ê Gulanê 2026 an