106.mîn Salvegera Peymana Sîverê ji bîr nekin

Hozan Efrînî

Îro roja Duşemê, 10ê Tebaxê, sala 2026’an e, ku dike 106.emîn salvegera Peymana Sîverê ye ku wek destkeftekî dîrokî ji bo gelê Kurd hatibû holê, ji ber ku di wê rojê de, peymaneke ku mafên gelê Kurd hatibû  diyar dikirin, lê ji aliyê Tirkan ve hat betalkirin û wan hemû dever dagir kirin.

Her weha di 10ê Tebaxa 1920.an de, Peymana Sîverê di navbera Tirkiye, Brîtanya, Fransa, Îtalya, Japonya, Ermenistan, Belçîka, Yewnanistan, Polonya, Portekîz, Romanya, Sirbistan, Kirwatya, Slovenya, Çekoslovakya û Dewletên Yekbûyî de hatibû îmzekirin.

Ev peyman wekî çareseriyekê ji bo pirsgirêka welatên ku di bin desthilatdariya Osmanî yên ku ji aliyê Hevalbendan ve hatibûn dagirkirin, hatibû amadekirin.

Peymana Sîverê ku ji 422 xalan pêk dihat, ku di nav wan de xalên 62, 63 û 64 jî derbarê herêma Kurdan û maf û rewabûna xwebirêvebirina gelê Kurd li deverên Kurdî bûn,tê wê wateyê ku ew peyman, destkefteke dîrokî bû ji bo gelê Kurd û Kurdistanê.

Peymana Sîverê ji ber girîngiya wê bi hemû hêz û rêyên ne dadwer, hewla pûçkirina wê dan û di encamê de û bi hevkariya Sayke-Bîko Peymana Lozanê vejandin û ew xistin peymana sereke û bingehîn ya ku dilê dewletên dijberên Kurdan xweş dike,ji wê rojê ve, gelê Kurd di jiyaneke dijwar û ne aram de dijî ku jiyana Kurdan tijî ye ji wêranî, kavilî, jinavbirin û nelihevî û ne dadwerî.

Tenê rêyek heye ku gelê Kurd xwe tê re derbazî aramî û xweşbextiyê bike, ewe ku yekrêz û yekdeng û yekhelwêst û yekrefbin û xwediyê lêvegera rasteqîne sax bikin û hevdu bipejirînin û hevdu hez bikin û bi hişyarî gavên xwe ber bi pêş ve bavêjin.

Siyaset û têgeha dîplomasiyeta serokê rewanşad Mam Celal ji bo wan pêngavan bi karekî sereke werbigrin daku encamên baş û serkeftî bi dest bixin.

Bijî Kurd û Kurdistan

10-08-2026