Belgeya Dîrokî di Bîranîna Koça Serokê Mezin ê Kurd Apê Osman Sebrî de

Hozan Efrînî

Bi boneya bîranîna nemir a koça serokê mezin ê Kurd, rewşenbîr, nivîskar, helbestvan û siyasetmedarê dîrokî û bavê min ê rûhî Apê Osman Sebrî, em zilamekî bi bîr tînin ku di jiyana xwe de tu tiştek ji bo doza Kurdî nehêla.

Apê Osman Sebrî ne tenê navek e, ew yek ji stûnên sereke yên siyaseta Kurdî li Rojavayê Kurdistanê ye, û bingehek ji bingehên çanda Kurdî ya resen e. Ew Emîd e, ew têkoşerê qehreman e, ew wijdanê zindî yê doza Kurdî li Rojavayê Kurdistanê ye.

Di vê rojê de, em bîranîna wî dikin rojeke dilsoziyê. Em wî bi xemgînî û kovanek mezin bi bîr tînin, û di heman demê de bi serbilindî û şanaziyek mezin bi mîrateya ku hiştîye. Gava em vedigerin ser kar û xebat û qurbaniyên wî yên ji bo doza Kurdî, û gava em şoreşa ramanî û çandî ya ku vî zîlamê mezin ê Kurd afirandiye bi bîr tînin, dilê me bi hêvî û baweriyê tijî dibe.

Û ji kûrahiya dilê xwe em bi dengekî bilind dibêjin: Em ê te ji bîr nekin ya Apê Osman.

Tu hêlîna Kurdan î, tu navnîşana dozê yî, tu parêzerê destkeftiyên li Rojavayê Kurdistanê ji sala 1957an heta îro. Em îro li ser riya ku te vekiriye dimeşin, û li ser rêbaza ku te bi aqilmendiya xwe xêz kiriye diçin.

Û em nikarin wê roja dîrokî ya mezin ji bîr bikin, dema ku rehmetiyê neteweya Kurd Serokê nemir Mam Celal Talebanî serdana te kir, û bi te re şêwirî li ser çawaniya avakirina yekem tevgera siyasî ya Kurdî li Rojavayê Kurdistanê û Sûriyê. Ew hevdîtin kêliyeke çarenivîsî bû, jidayikbûna dîrokeke nû bû, û xala destpêka tevgera siyasî ya Kurdî ya rêxistinkirî bû.

Ji ber vê yekê em bi serbilindî dibêjin: Hûn bi hev re, tu û rehmetiyê netewê Mam Celal, serokên mezin in. Hûn serokên tevgera Kurdî ne, pêşengên dîplomasî û siyaset û çandê ne, û emanetdarên emaneta Kurdî bi hemû wateyên wê ne.

Bi vî rengî em serok û apê xwe, Apê Osman Sebrî bi bîr tînin.

Apê Osman, em ê te ji bîr nekin.
Em ê her sal, di her boneyê de, û di her gaveke ku em ji bo dozê davêjin de te bi bîr bînin.
Te biryar da ku tu bimînî milkê gel, milkê doza Kurdî, û milkê dîroka nemir.

Bila navê te her nemir be.

PUKMEDIA