Mam Celal:Ji bo em bihêz bibin Şehîd Neco qet ji bîr nakin

Serok Mam Celal

Mam Celal Talabanî di dema sihbetekê da li ser rola Kek Necmedî ya di serkeftina YNKê de pir girîng in,piştî komkujiya Helebce, di sala 1989.an de, Mam Celal Talebanî dem çû Holandayê li wir bi komek ji kesên ku ew nêzîkî xwe didît, vexwendibû mala Şehzat Saib, nûnerê wê demê yê şandeya Hollanda li Maarssenê li wire min grûbek dost û nasên berê dîtin û Mam Celal ji kesên li wir re, bo wî wiha got: (Ez nikarim bi gotinan girîngiya Şehîd Necmedîn Buyukkaya ji bo Yekîtiya Niştîmanîya Kurdistanê vebêjim,bi rastî jî ew ji bo me merivekî pir girîng bû.

Min ew wek kurê xwe dihesiband,wî gelek xizmetên bê sinor ji YNKê re kir,gelek ji Pêşmergeyên hîn jî Kalaşnîkovên ku Neco dane me hildigirin û ew pê serbilind in ku van çekên Neco radestî me kirine hildigirin.

Her weha Mam Celal got:Min li bajarên Şam, Stenbol, Enqere, Amed û Nawzengê bi Şehîd Neco re sihbetên dirêj kirin,ew kesekî wêrek bû,ti fedakarîyek tunebû ku wî ji bo gelê me nekira,projeyên me yên gelek girîng ji bo pêşerojê hebûn,lê mixabin ew çênebû,me ew zû ji dest da di rojên ku Kek Neco şehîd ket de, Rojnamegerkî Swêdî bi min re riportaj kiribû û ji min bi gotina ‘Girîngîya Necmedîn Buyukkaya ji bo we çi bû?’ pirsek kiribû,min jê ra wiha gotibû: Niha bi hezaran çekdarên me yên Pêşmerge hene û dema ku derfet çêbibe emê bi hezaran çekdarên din jî bigirin.

 Herwiha, Yekîtiya Niştimanîya Kurdistanê (YNK) xwedî bi sedan kadro yên xwedî ezmûne ku rêbaza wê ya siyasî diyar dikin, gelek dîplomat hene ku nûneratiya berjewendîyên gelê me dikin û gelek dostên hêja li gelek welatên cîhanê hene ku piştgirîyê didin doza me, em wekî Yekîtîya Niştimanîya Kurdistanê, eger em hemû çavkanî û nirxên xwe li aliyekî û Necmedîn Buyukkaya li aliyê din deynin, bawer bikin, aliyê Necmedîn Buyukkaya dê ji bo me girantir be,ji ber ku Şehîd Selah ji roja ku Yekîtî hatibû damezrandin heta roja mirina xwe bi me ra bû, ji bo ku em bihêz bibin çi ji destê wî hat kir,em qet wî jibîr nakin.

PUKMEDIA