ڕفعەت عەبدوڵا: پێویستە مامەڵە لەگەڵ گۆڕانکارییەکاندا بکەین

نوسینگەی رۆژنامەوانی ڕفعەت عەبدوڵا

کۆبوونەوەی ڕفعەت عەبدوڵا و ئەمەل جەلال لەگەڵ رێکخراوەکان

ڕفعەت عەبدوڵا جێگری سەرۆکی یەکێتیی نیشتمانیی کوردستان، لەگەڵ کۆمەڵەو سەندیکاو ڕێکخراوەکان کۆبوەوەو ڕایگەیاند: بەهۆی گۆڕانکارییە خێراکانەوە کاری ڕێکخراوەیی و سەندیکایی لەڕووی چەمک و ئامراز و ستونەکانیەوە گۆڕانکاری گەورەی بەسەردا هاتووەو پێویستە ئێمەش مامەڵە لەگەڵ گۆڕانکاری و لێکەوتەکانی بکەین.

کۆبونەوەکە بەئامادەبوونی ئەمەل جەلال لێپرسراوی بۆردی ڕێکخراوەکان و هەڤاڵانی بۆرد و ڕێکخراوەکان بەڕيوەچوو، هەڤاڵ جێگری سەرۆک باسی لەکاروباری ڕێکخراوە پیشەییەکان و سەندیکاو کۆمەڵەو یەکێتییەکان کردو جەختی کردەوە، بەدیدگاو بەرنامەی نوێ خزمەتی توێژەکانی خۆتان بکەن و لەئاستی گۆڕانکاری و داخوازییە پیشەییەکانی ڕێکخراوەکانتان بن.

هاوکات، ستران عەبدوڵڵا لێپرسراوی سکرتاریەتی مەکتەبی سیاسیی ئامادەی کۆبوونەوەکە بوو.

PUKMEDIA