سیناتۆرێک جەخت لە هاوکارى و پشتگیریى پێشمەرگە دەکاتەوە

abcnews

سیناتۆر کریس ڤان هۆڵن

سیناتۆرێکى ئەمریکى جەخت لەوە دەکاتەوە واشنتن دەبێت بەردەوامبێت لە هاوکاریی و پشتگیریی پێشمەرگە و هێزەکانی عیراق لە بواری ئەمنییدا.

سیناتۆر کریس ڤان هۆڵن ئەندامی لیژنەی پەیوەندییە دەرەکییەکانی ئەنجومەنی سینات رایگەیاند : نابێت کشانەوەی بەرنامە بۆ داڕێژراوی هێزەکانی ئەمەریکا لە عیراق ببێتە هۆی دروستبوونی بۆشایی لە رۆڵی سەرکردایەتی ئەمەریکا لە ناوچەکەدا.

ئەو ئەندامە دیموکراتەی سینات جەختی کردەوە، کە واشنتن دەبێت بەردەوامبێت لە هاوکاریی و پشتگیریی پێشمەرگە و هێزەکانی عیراق لە بواری ئەمنییدا.

ئەمەش لە کاتێکدایە ئەمڕۆ لیوا یەحیا رەسوڵ وتەبێژی وەزارەتی بەرگریی عیراق، رایگەیاند: لە ئەمڕۆ 30ی ئەیلوولەوە هیچ ئەندامێك یان سەربازێكی هاوپەیمانی نێودەوڵەتی لە ناو خاكی عیراقدا نەما و جێی ئاماژەپێدانە کە لە چەند رۆژی رابردوودا هێزەكانی هاوپەیمانان بنكە و بارەگا رەسمییەكانیان لە هەولێری پایتەختی هەرێمی كوردستان بەجێهێشت، ئەمەش لەچوارچێوەی كشانەوەی هێزەكانی هاوپەیمانان لە عیراق.

PUKMEDIA