Wezîrê Gencînê yê Amerîka: Îro an sibê emê bi Îranê re li hev bikin

Reuters

Wezîrê Gencînê yê Amerîka Scott Pesant

Wezîrê Gencînê yê Amerîka eşkere dike ku, dibe ku îro an sibê di derbarê Tengava Hurmizê de li gel Îranê li hev bikin û Îran jî dibêje: Ti niyateke me nîne ku aloziyên navçeyê berfireh bikin.

Wezîrê Gencînê yê Amerîka Scott Pesant, di daxuyaniyekê de ji bo kenala CNBC ragihand: Amerîka dibe ya îro Sêşemê an sibê li ser Tengava Hurmizê bi Îranê re li hev bike.

Scott Pesant got jî: Gelek keştî di Tengava Hurmizê re derbas bûne û heta niha jî berdewame.

Ji aliyekî din ve, Fermandarê berê yê Artêşa Pasdaran Lîwa Muhsîn Rezayî, ragihand: "Îran niyatiya berfirehkirina şer nîne, herwiha hez jî nake ku alozî di navbera welatên navçeyê de derkeve, ji ber ku ev dibe sedema berfirehbûna şer, lewra rêya dîplomatîk rêya raste û pêwîste em li ser berdewam bin.

Ev di demekê de ye ku Donald Trump duh ragihand ku Îran di ber deriyê metirsiyeke mezin a leşkerî de ye ger mercên Amerîkayê qebûl neke. Herwiha di demekê de ku Washington behsa gotûbêjên nepenî dike, Tehran bi awayekî fermî red dike ku maseya danûstandinan li gel Koşka Spî hebe.

PUKMEDIA