Li Çînê gera duyemîn a lîstikên cîhanî yên robotan birêve diçe

Ajans

Li Çînê pêşbirka robotan

Li paytexta Çînê bajarê Pekînê, di atmosfereke tijî pêşbaziyê de, çalakiyên gera duyemîn a lîstikên cîhanî yên robotên bi peykerê mirovan hat lidarxistin û pêşketîtirîn şiyan û teknolojiya robotên bi şêwazê peykerê mirovî hatin nîşandan.

Di nav vê gerê de, pêşketîtirîn şiyan û teknolojiya robotên mirovî hatin nîşandan. Robotên beşdar di çend warên cuda de bi hev re ketin pêşbaziyê, di nav de: Pêşbirka bokserê li nava qada rikabariyê, pêşbirka leziyê di bezîna 100 metreyî de, û di heman demê de nîşandayîna jêhatîbûnê di tevgerên nerm û aloz ên werzişa (Tai Chi) de.

Ev lîstik wekî qadeke sereke ji bo ceribandina lez, hevsengî û pêşxistina hişmendiya çêkirî (AI) di cîhana robotên nûjen de tên dîtin.

PUKMEDIA