Navenda Derve ya YNK tekezî li yekxistina şiyanên Kurdan dike

PUKMEDIA

Civîna kurdên diyaspora li Swêdê

Roja Yekşemê 23/08/2026an, li bajarê Stokholm paytexta Swêdê, navenda Derve ya Yekîtiya Nîştimanî ya Kurdistanê YNKê bi amadebûna hejmareke mezin ji kesayetî, aliyên siyasî û parlamenterên Swêdê, civînek organîze kir. Di civînê de tekezî li ser giringiya rola diyasporaya kurdî di pêşxistina xebata nîştimanî hat kirin û di dawiyê de jî filîma belgesel (Dade) ku behsa jiyan û dîroka Hêro Îbrahîm Ehmed dike hate nimayîş kirin.

Di gotarekê de endamê serkirdayetiya YNKê û berpirsê Navenda Derve Salar Mehmûd, tevî xêrhatina amadevanan, spasiya wan kir ku bersiva banga Navenda Derve dan, her weha tekezî li ser giringiya rola diyasporaya kurd di geşkirina têkoşîna nîştimanî û pêşvebirina giyanê karê hevbeş de kir, bi berçavgirtina dîroka tijî têkoşîn a gelê me.

Her weha amaje bi pêwîstiya rêkxistina kar û têkoşînê kir bi awayekî paralel li nav û derveyî welat, ku bandoreke mezin li ser pirsa nîştimanî û neteweyî hebûye û heye. Çalakî û pêgeha wan bandor li ser yekbûna kurdan a li derveyî welat û jêbirina zîhniyeta parçekirin û dabeşbûnê kiriye.

Ji aliyê xwe ve endamê damezirînerê Yekîtiya Nîştimanî ya Kurdistanê YNKê rêzdar Omer Şêxmûs, behsa têkoşîn û rola jinên kurd di têkoşîna rizgariya nîştimanî ya gelê Kurdistanê de kir.
Wî tekezî li ser yekxistina şiyanan kir ji bo bi cih anîna erkan bi awayekî ku li gel mekanîzmayên vê qonaxa xebatê re biguncin.

Piştî gotaran, fîlmê dokumenterî yê bi navê "Dade" ku nîşana jiyan û dîroka Hêro Îbrahîm Ehmed a di çiya û bajar de bûye, hat nîşandan û amadevanan bi germî pêşwazî li merasîmê kirin.

PUKMEDIA