Tûmenê di dîroka dravê Îranê de asta herî nizim tomar kir

PUKMEDIA

Dolar û Tûmenê Îranî

Bihayê tûmen ji bo cara yekem di dîroka diravê Îranê de bi awayekî berbiçav nirxê xwe winda kir û îro Duşemê 24ê Tîrmeha 2026an, 100 dolarên Amerîkî bi 20 milyon tûmenên Îranî ye, ku ev jî asta herî nizm a dîrokî ya bihayê tûmenê ye.

Derbarê daketina bihayê tûmenê li hemberî dolarê Amerîkî de, pisporê aborî Cabar Goran ragihand ku sê sedemên sereke hene ku bûne sedema daketina bihayê tûmenê li hemberî dolarê Amerîkî, ku ew jî di bandora biryarên Wezareta Xezîneyê ya Amerîkayê, biryara bidawîhatina danûstandinên welatan bi Îranê re û gefên berdewam ên Îranê li ser tengava Hurmizê de xwe nîşan didin.

Wî her wiha ragihand ku îro bihayê 100 dolarî zêdetirî 20 milyon tûmenên Îranî ye, her wiha bi pereyê nexd (kash) 100 dolar li hemberî 19 milyon û 300 hezar tûmenî ye, ku ev jî ji bo cara yekeme di dîroka diravê Îranê de ye ku bi vî rengî nirxê xwe winda dike.


Ev daketina dîrokî ya bihayê tûmenê di demekê de ye ku nêzîkî şeş meh in şerê di navbera Amerîka û Îsraîlê de li dijî Îranê berdewam dike, û ev rewşa leşkerî û siyasî her tim bandoreke neyînî li ser aboriya Îranê çêkiriye û roj bi roj diravê wî welatî zêdetir nirxê xwe winda dike. Di heman demê de pêşbîniyên pisporên aborî nîşan dide ku dibe ku rewş xeratir bibe û tûmen ztir dakeve.

Li hemberî van metirsiyan, pisporên aborî hişyariyeke tund didin welatî û sermayedarên ku bi armanca qezencê ji kirîn û paşekeftina tûmenê dûr bikevin, ji ber ku bihayê wê ber bi daketineke berdewam ve diçe û metirsiyeke pir mezin li ser sermayeya wan çêdike.


PUKMEDIA