Îraq girtiyên biyanî dişîne welatên wan

Medya

Girtiyên biyanî li Îraqê

Îraq 6 hezar girtiyên biyanî dişîne welatên wan û Berdevkê Wezareta Dadê ya Federal got: Ev gav armanc dike ku qerebalixiya girtîgehan kêm bike û li gorî peymanên navneteweyî tê meşandin.

Ehmed Lieybî, berdevkê Wezareta Dadê ya Îraqê, got:Îraqê dest bi vegerandina 6 hezar girtiyên biyanî ji 61 welatan kiriye, ku piraniya wan xelkê Sûriyê ne.

Her weha aşkere kir ku, ev pêngav ji bo kêmkirina qerebalixiya girtîgehan û li gorî peymanên navneteweyî ye bi rêve diçe,ji bo vê armancê, Wezareta Dadê riyên têkiliyê bi Sûriye, Fas, Amerîka, Kanada, Rûsya, Tunis û Turkiye re vekiriye, daku girtî bikaribin sizayên xwe yên mayî li welatê xwe an jî li gorî peymaneke dadwerî ya di navbera her du welatan de temam bikin.

Di dawiyê de, Ehmed Lieybî, berdevkê Wezareta Dadê ya Îraqê, got ku vegera van girtiyan çareseriya herî baş e ji bo kêmkirina qerebalixiyê û rêkxistina rewşa navendên sererastkirinê li gorî yasayên derbazdar.

PUKMEDIA