WHO:Kongo di bin dorpêça Vîrûsa Ebola de ye

FRANCE 24

Belavbûna Vîrûsa Ebola li Kongo

Rêveberê Giştî yê Rêxistina Tenduristiyê ya Cîhanî (WHO) ragihand ku her diçe vîrûsa Ebola li Kongo zêdetir belav dibe.

Rêveberê Giştî yê Rêxistina Tenduristiyê ya Cîhanî (WHO) Tedros Adhanom Ghebreyesus ragihand ku zêdebûna rewşên Ebola li hindek herêmên Kongo ji hewldanên pijîşkî zêdetir e,ev qeyran di demekê de ye ku xebatkarên tenduristiyê yên Kongo ji ber kêmiya mûçeyan di grevê de ne, û heta niha nêzî 1750 kesan canê xwe ji dest dane.

Ghebreyesus eşkere kir ku belavbûna vîrûsa Ebola li Komara Demokratîk a Kongoyê ji hewldanên navdewletî û herêmî yên ji bo kontrolkirina vîrûsê pir bi leztir e.

Ev daxuyanî di dema serdana wî ya li welat de hat, ku di heman demê de xebatkarên tenduristiyê yên Kongoyê ji ber nepisporî û kêmiya mûçeyên xwe di grevê de ne.

Ghebreyesus piştî hevdîtina digel rayedarên li paytext Kinshasayê, li ser hesabê xwe yê torên civakî diyar kir ku piştî sê mehan ji ragihandina belavbûna vîrûsê ,rewşên nû li herêmên herî zêde bandordar bûne du qat zêde bûne.

Rêveberê WHO bal kişand ser ku li ser astekî berfireh li hev kirine daku hewldanên lezgîn û mezin di her warî de werin zêdekirin daku rê li ber vê qeyranê were girtin.

Li gorî amarên herî dawî yên Wezareta Tenduristiyê ya Kongoyê, heta roja duşemê 3 hezar û 874 rewşên destnîşamkirî hatine tomarkirin û ji wan 1751 kesan jiyana xwe ji dest dane.

Ev serdana duyemîn a Rêveberê WHO ye ji dema ku vîrûs li welat belav bûye.

PUKMEDIA