Cîgirê Serokê Herêmê bi şandeke leşkerî ya Almanyayê re civiya

PUKMEDIA

Civîna Şêx Cafer

Şêx Cefer Şêx Mistefa Cîgirê Serokê Herêma Kurdistanê, pêşwaziya Jeneral Schneider, berpirsê hêzên çekdar li Wezareta Berevaniyê ya Almanyaya Federal û şandeke pê re kir.

Di civînê de, pêşhatên dawî yên siyasî û ewlehî yên Îraqê û navçeyê, pêşxistina pêwendiyên Almanya ligel Îraq û Herêmê, herwiha metresiyên DAIŞ û gefên wê yên li ser ewlehî û aramiya navçeyê, hatin gotûbêjkirin.

Her du aliyan tekezî li ser pêwîstî û berdewamiya alîkarî û ahengiyariya hevbeş ji bo rûbirûbûna terorê û metresiyên DAIŞê li navçeyê kirin. Herwiha bi girîngî ve pêvajoya çaksaziyê û yekxistina Hêza Pêşmerge ligel berdewamiya piştgiriya leşkerî ya Almanyaya ji bo Pêşmerge hatin gotûbêjkirin.

Pêşhatên dawî yên Rojhilata Navîn û bandorên wan ên li ser ewlehiya navçeyê, tewereke din a civînê bû.

PUKMEDIA