Pakistan.. Ji ber pêketina agirekê 14 zarokên nûbûyî jiyana xwe ji dest dan

Ajans

nexweşxaneyek Pakistanê

Di bûyereke agirpêketinê de li Pakistanê 14 zarokên nûbûyî jiyana xwe ji dest dan.

Îro çarşemê 26ê Tebaxa 2026an, li nexweşxaneyeke bajarê Îslamabadê yê paytextê Pakistanê, bûyereke agirpêketinê rû da û di encamê de 14 zarokên nûbûyî mirin.

Bûyer bi vî rengî pêk hat: Agir bi qata sêyem a Nexweşxaneya peymangeha zanistên pijîşkî ya Pakistanê, li beşa çavdêriya hûr a zarokên nûbûyî ket. Li gorî agahiyan, komprêserê amûreke sarkirinê teqiyaye û sîstema hênikkirinê ya beşê ji kar ket, ku ev yek bûye sedema agir.

Agahî destnîşan dikin ku di dema bûyerê de 15 zarok li wê beşê bûn û tîmên rizgarkirinê tenê karîn zarokekî bi zindî rizgar bikin, û zarokên din ku hejmara wan 14 in, jiyana xwe ji dest dan.

Di daxuyaniyeke fermî de ji aliyê ofîsa parêzgariya Îslamabadê ve, mirina 14 zarokan hate piştrastkirin û hate diyarkirin ku niha tîmên vemirandina agir karîne agir control bikin.
Aliyên peywendîdar dest bi lêkolîneke hûr a li ser bûyerê kirine.

PUKMEDIA