UNICEF:Li Efganistanê milyonek zarok rû bi rûyê metirsiya mirinê bûne

Ajans

Zarokên li nexweşxaneyê

Fona Zarokan a Neteweyên Yekbûyî (UNICEF) hişyarî da ku li Efganistanê milyonek zarok ji ber birçîbûna giran bi xetereya mirinê re rû bi rû ne.

Fona Zarokan a Neteweyên Yekbûyî (UNICEF), di raporta xwe ya îro de ragihand ku li Efganistanê milyonek zarok bi birçîbûna giran  re rû bi rû ne, eger ji bo dabînkirina alîkariyê tedbîr neyên girtin wê bi mirinê re rû bi rû bimînin.

Nûnerê Fona Zarokan a Neteweyên Yekbûyî (UNICEF) yê Efganistanê Tacedîn Eywalî diyar kir ku li welat 3.7 milyon zarok ji kêmbûna xurekê bi bandor dibin,her wiha ji van nêzî milyonek zarok, di asta kêmbûna xurekê de ne û ev yek gef li jiyana wan dixwe.

Her wiha Fona Zarokan a Neteweyên Yekbûyî (UNICEF) hişyarî dike ku kêmbûna alîkariyê dikare xizmetên xurekê yên girîng jî asteng bike.

PUKMEDIA