شێخ جەعفەر شێخ مستەفا جەختی لە برەودانى پەیوەندیی ژاپۆن و هەرێم کردەوە

نوسینگەى راگەیاندنى شێخ جەعفەر شێخ مستەفا

وێنەیەکى مەراسیمەکە

ئەمڕۆ جێگری سەرۆکی هەرێم لە رۆژی نیشتمانیی ژاپۆندا بەشداریکرد و جەختی لە برەودان بە پەیوەندییەکانی وڵاتی ژاپۆن لەگەڵ هەرێمی کوردستان کردەوە.

ئێوارەی ئەمڕۆ یەکشەممە 15ى2ى2026، شێخ جەعفەر شێخ مستەفا، جێگری سەرۆکی هەرێمی کوردستان بەشداریی لە رێوڕەسمی (66)ەمین ساڵەی لە دایکبوونی ئیمپراتۆری ژاپۆن و رۆژی نیشتمانی وڵاتی ژاپۆن کرد، کە لە لایەن کونسوڵخانەی ژاپۆن لە هەولێر رێکخرابوو.

لە رێوڕەسمەکەدا جێگری سەرۆکی هەرێمی کوردستان، پیرۆزبایی ئەم یادەی لە باڵیۆزی ژاپۆن لە عیراق و کونسوڵی ژاپۆن لە هەرێمی کوردستان کرد و جەختی لە برەودان بە پەیوەندییەکانی وڵاتی ژاپۆن لەگەڵ هەرێمی کوردستان، کردەوە.

PUKMEDIA