هێرشێکى تیرۆرستى لە ئوردن ژمارەیەک قوربانى لێکەوتەوە

ina.iq

ئاڵاى ئوردن

بەهۆى هێرشێکى چەکدارى لەناو كەنیسەیەكی پارێزگای كەرك لە ئوردن ژمارەیەك كەس كوژران و برینداربوون.

تەلەفزیۆنی ڕەسمیی ئوردن ئاشكرایكرد: هێرشەكە لەلایەن چەكدارانی نەناسراوەوە ئەنجامدراوە و ژمارەیەك كەس كوژراون و برینداربوون، هێزە ئەمنیەكانیش ڕووبەڕووی چەكدارەكان بوونەتەوە و بەدوایاندا دەگەڕێن و بەهۆی هێرشەكەوە 7 كەس كوژراون و 34ی دیکەش برینداربوون، هێرشەكەش لەكاتی ڕێوڕەسمی ماڵئاواییكردن بووە لە تەرمێك لە كەنیسەكەدا.

وەك لە گرتە ڤیدیۆییەكاندا دەردەكەوێت، سێ چەكدار تەقە لەناو كەنیسەكە دەكەن و دواتر دەچنە ژوورە و دواى تەقەكردنێكی زۆر بە ئۆتۆمبێلەكەیان هەڵدێن، بەپێی هەندێك سەرچاوەش چەكدارەكان ژمارەیان چوار كەس بووە.

محەمەد موئمینی وتەبێژی حكومەتی ئوردن ڕایگەیاند: دەزگا ئەمنییەكان بەشوێن چەكدارەكاندا دەگەڕێن و دواتر ڕوونكردنەوە لەبارەی ڕووداوەكەوە بڵاودەكەنەوە.

كەنیسەی حەمود دەكەوێتە گوندی حەمود لە پارێزگای كەرك لە باشووری ئوردن، كەنیسەیەكی تایبەتە بە ئەرسەدۆكسەكان و مەسیحییەكان كەمینەیەكی ئایینین لە ئوردن، بەپێی ئامارەكانی ئەو وڵاتە ژمارەیان 2% بۆ 3% ی دانیشتوانی ئوردن دەبێت.
مەسیحیەكانی ئوردن بەسەر چەندین مەزهەبی ئاینەكەدا دابەشبوون، لەوانەش رۆمی ئەرسەدۆكس و كاسۆلیك و ئەرمەنیە ئەرسەدۆكسەكان و پرۆتستانتەكان.


PUKMEDIA