سعودیە رۆژانە 500 ڤیزای عومرە دەداتە عیراق

easeindiatrip

مەککە

دوای راگرتنی پێدانی ڤیزا بۆ عومرە لە هەموو جیهاندا، وتەبێژی حەج و عومرەی هەرێم رایگەیاند: لە ئێستادا رۆژانە سعودیە 500 ڤیزای عومرە بە هاووڵاتییانی عیراق دەدات. 

کاروان ستونی وتەبێژی حەج و عومرەی هەرێم بە وێبسایتی رەسمی یەکێتیی نیشتمانیی کوردستان PUKMEDIAی راگەیاند: سەرۆکی دەستەی باڵای حەج و عومرەی عیراق شێخ سامی مەسعوودی، رەزامەندی شانشینی عەرەبستانی سعوودی وەرگرتووە بۆ تەرخانکردنی 500 ڤیزای عومرەی رۆژانە بۆ ئارەزوومەندانی عومرە لە هەموو عیراق.

روونیشی کردەوە: بەهۆی زۆری داواکاری هاووڵاتییانی عیراقی بۆ ئەنجامدانی سونەتی عومرە، لایەنی سعوودی رەزامەندی داوە لەسەر پێدانی 500 ڤیزای رۆژانە بە عیراقییەکان تاوەکو کۆتایی هاتنی قەیرانە نالەبارەکانی ناوچەکە، ئەمەش دوای ئەوەی پێدانی ڤیزا بۆ هەموو وڵاتانی جیهان راگیرابوو.

PUKMEDIA