سکرتارییەتی سەرۆک مام جەلال: راپەڕین خاڵی سەرکەوتنی شۆڕشی نوێ بوو

PUKMEDIA

بەشێک لە سەردانەکە

مەکتەبی سکرتارییەتی سەرۆک مام جەلال: دەڤەری راپەڕین خاڵی سەرکەوتن و گەشەی زیاتری شۆڕشی نوێ بوو.

لە درێژەی سەردان و بەسەرکردنەوەکانی خەباتگێڕ و تێکۆشەرانی دەڤەری راپەڕین لە دوو سەردانی جیادا لە شاری رانیە هەریەک لە هەڤاڵان ( کەمال مستەفا ئیبراهیم ، موحسین حەسەن بایز ) پێشمەرگە و تێکۆشەرانی دێرینیان بەسەرکردوە .

لەو سەردانانەدا ، مەکتەبی سکرتارییەتی سەرۆک مام جەلال پێزانینیان دەربڕی بۆ خەبات و تێکۆشانی هەڤاڵان “کەمال مستەفا و موحسین حەسەن” وەک دوو پێشمەرگەی ئازا و بە ورەی رۆژانی سەختی خەبات کە لەسەنگەرەکاندا کوردایەتیدا سنگیان کردبووە قەڵغان پۆڵاین و ترسیان خستبووە دڵی دوژمنەوە ، لە بەرامبەر ئەو رابردووە پاک و دانەبڕاوەشدا مەکتەبی سکرتارییەتی سەرۆک مام جەلال سڵاوی ئەمەک و وەفاداری سەرۆک بافڵ و هەڤاڵ قوباد تاڵەبانیان ئاڕاستەکردن و بە گرنگییەوە لە بارودۆخی تەندروستیان پرسینەوە و هیوای سەلامەتی زیاتریان بۆ خوازرا .

لە بەرامبەردا ، هەڤاڵان کەمال ئیبراهیم و موحسین حەسەن خۆشحاڵیان دەربڕی بۆ بەسەرکردنەوەیان و بە شانازییەوە لە رابردووی خۆیان دوان وەک دوو تێکۆشەری دێرینی یەکێتی و شۆڕشی نوێ .

PUKMEDIA