riklam

عەبودی: زیاتر لە دوو ترلیۆن دینار و 781 ملیۆن دۆلار لە پارەی گەندەڵی گەڕێندراوەتەوە

عیراق 07:48 PM - 2026-11-22
بەشێك لەو پارانەی گەندەڵی كە گەڕێندراونەتەوە ميدياكان

بەشێك لەو پارانەی گەندەڵی كە گەڕێندراونەتەوە

عيراق

لە چوارچێوەی هەڵمەتەكان دژی گەندەڵی، حكومەتی عیراق گەڕاندنەوەی زیاتر لە دوو ترلیۆن و 682 ملیار دینار و دەستبەسەرداگرتنی 781 ملیۆن دۆلاری راگەیاند، كە بڕیارە لە بودجەی ساڵی 2027ـدا بخرێنە سەر سندوقی نەوەكان.

حەیدەر عەبودی، وتەبێژی حكومەتی عیراق، ئەمڕۆ 22ی 11ی 2026، رایگەیاند: هەڵمەتەكان دژی گەندەڵی بەردەوامن و قەبارەی ئەو پارانەی لە گەندەڵی گەڕێندراونەتەوە گەیشتووەتە زیاتر لە دوو ترلیۆن و 682 ملیار دینار، هاوكات دەستبەسەر زیاتر لە 781 ملیۆن دۆلاردا گیراوە.

ئاماژەی بەوەشكرد: سەرجەم ئەو پارە گەڕێندراوانە دەچنە ناو (سندوقی نەوەكان) كە لە پڕۆژەیاسای بودجەی ساڵی 2027ـدا ئاماژەی پێكراوە و ئاڕاستەیەكە بۆ دابینكردنی داهاتووی نەوەكان و پاڵپشتییەكی داراییە كە هاوكاریی داهاتە نەوتییەكان و گەنجینەی دەوڵەت دەكات.

هاوكات عەبودی بە ئاژانسی هەواڵی عیراقیی راگەیاند: هەڵمەتەكە لەڕووی كردارییەوە نەوەستاوە و ئەنجامەكانی بە شێوەیەكی روون لەڕێگەی ئەو بڕیارە دادوەرییانەوە دەركەوتوون كە دژی تاوانباران دەرچوون، لەنێویاندا سیاسەتمەداران، پەرلەمانتاران و كەسایەتییە مەعنەوییەكان، هاوكات ئەنجام و ئاماژەكانی ئەم هەڵمەتە لە ماوەی 23 ساڵی ڕابردوودا واتا لە ساڵی 2003ـەوە وێنەیان نەبووە.

ئەوەشی خستەڕوو: عەلی زەیدی، سەرۆك وەزیرانی عیراق، وەك لێپرسراوی دەسەڵاتی جێبەجێكردن و فەرماندەی گشتیی هێزە چەكدارەكان، لەم ئەركەدا تەواوكەری هەردوو دەسەڵاتی دادوەری و یاسادانانە، چونكە حكومەت بە تەنها و بەبێ ئەم تەواوكارییە ناتوانێت بەردەوام بێت لە تەواوكردنی ئەم دۆسیەیە.

PUKMEDIA



ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket