ئەمساڵ حاجیانی هەرێمى کوردستان به‌ رێگه‌ی وشكانی گه‌شت ده‌كه‌ن

alwasat.ma

مەککە

وه‌زاره‌تی ئه‌وقاف و كاروباری ئایینی لەرێگەی به‌رێوه‌به‌رایه‌تی گشتی حه‌ج و عومڕه‌ رایده‌گه‌یه‌نێت: له‌ پێناو به‌رژه‌وه‌ندی گشتی و گه‌ره‌نتی چوونی حاجیانی كوردستان بۆ عه‌ره‌بستانی سعوودیه‌ و به‌ هه‌ماهه‌نگی له‌گه‌ڵ ده‌سته‌ی باڵای حه‌ج گه‌یشتینه‌ رێككه‌وتن، كه‌ گه‌شتی حه‌جی ئه‌مساڵ هاوشێوه‌ی حاجیانی عیراق ته‌نها به‌ رێگه‌ی وشكانی ده‌بێت.

وه‌زاره‌تی ئه‌وقاف و كاروباری ئایینی راشیده‌گه‌یه‌نێت: بڕیارە لە سەرەتای مانگی داهاتوو حاجیانی هەرێمی کوردستان بە رێگەی وشکانی گەشت بکەن و له‌ رۆژانی داهاتوودا به‌ هه‌ماهه‌نگی له‌گه‌ڵ ده‌سته‌ی باڵای حه‌ج و عومره‌ی عیراق شێواز و رێککارەکانی چوونی حاجیانی كوردستان رێكده‌خرێت و بڵاوده‌كرێته‌وه‌.

سه‌باره‌ت به‌ قه‌ره‌بووكردنه‌وه‌ی حاجیانی كوردستان، لەبەر ئەوەی بڕیاربوو به‌ رێگه‌ی ئاسمانی گه‌شت بكه‌ن، به‌ڵام به‌هۆی تێكچوونی بارودۆخی ناوچه‌كه‌ و داخرانی ئاسمانی عیراق و فرۆكه‌خانه‌كان ئێستا ته‌نها به‌ رێگه‌ی وشكانی گه‌شت ده‌كه‌ن، وه‌زاره‌تی ئه‌وقاف و كاروباری ئایینی رایدەگەیەنێت: لە رێگەی به‌ڕێوه‌به‌رایه‌تی گشتی حه‌ج و عومڕه‌ هه‌موو هه‌وڵێك ده‌دات له‌ رێگه‌ی ده‌سته‌ی باڵای حه‌ج و عومڕه‌ی عیراقییه‌وه‌ هاوشێوه‌ی قه‌ره‌بووی حاجیانی پارساڵ بۆ ئه‌مساڵیش مافی هاووڵاتییانمان بۆ بگه‌ڕێنینه‌وه‌ به‌پێی ئه‌و خه‌مڵاندن و میكانیزمه‌ی ده‌سته‌ی باڵای حه‌ج و عیراقی بۆ ده‌كات.

PUKMEDIA