نرخی نەوت لە دابەزینی بەردەوامدایە

PUKMEDIA

نرخی نەوت

نرخی نەوت لە بازاڕەکانی جیهان، لە دابەزینی بەردەوامدایە و بەشێوەیەک یەک بەرمیل نەوتی برێنت بە 72 دۆلار مامەڵەی پێوە دەکرێت، هۆکارەکەشی بۆ ئاسایی بوونەوەی هەناردەی نەوت لە گەروی هورمز دەگەڕێتەوە.

 ئەمڕۆ 30ی6ی2026، نرخی نەوتی برێنت یەک دۆلار و 11 سەنتی دیکە دابەزی و یەک بەرمیل نەوت بە 72 دۆلار و 4 سەنت مامەڵەی پێوە دەکرێت.

هاوکات، نەوتی تەکساس، دابەزینی زیاتری بەخۆیەوە بینی و یەک دۆلار و 99 سەنتی دیکە دابەزی و یەک بەرمیل نەوتی ئەم جۆرەش بۆ 69 دۆلار و 76 سەنت دابەزی.

هۆکاری دابەزینی بەردەوامی نرخی نەوت، بۆ رێککەوتنی ئاشتی نێوان ئەمریکا و ئێران دەگەڕێتەوە، کە بەهۆیەوە گەروزی هورمز کراوەتەوە و کەشتییە نەوتهەڵگرە گیرخواردووەکان، نەوتەکەیان گواستەوە، بەشێوەیەک رۆژی پێنج شەممە نزیکەی 20 ملیۆن بەرمیل نەوت لە گەروی هورمزەوە دەرچووە، ئەم ژمارەیەش ئاماژەیە بۆ ئاسایی بوونەوەی دۆخی گەروەکە بۆ پێش جەنگ.

PUKMEDIA