لە رووداوێکی هاتووچۆدا لە سوریا 65 کەس بوونە قوربانی

سانا

رووداوەکەی سەر رێگای دیمەشق-دیرەزور

رووداوێکی هاتووچۆی سەخت لەسەر ڕێگای دیمەشق-دیرەزور لە سوریا روویدا و وەزارەتی تەندروستی ئەو وڵاتەش ئاشکرای دەکات: 35 کەس گیانیان لەدەستداوە و 30 کەسی دیکەش بریندار بوون.

بەپێی راگەیەندراوێکی وەزارەتی تەندروستی سوریا، رووداوێکی هاتووچۆ لە نێوان دوو پاسدا لەسەر ڕێگای دیمەشق-دیرەزور، لە نزیک شاری حەمس روویداوە و بەهۆیەوە 35 کەس گیانیان لەدەستداوە و 30 کەسی دیکەش بریندار بوون.
 
د.ناجی نەعسان بەڕێوەبەری بەشی پەیوەندییەکان و فریاکەوتن لە وەزارەتی تەندروستتی، رایگەیاند: بریندارەکان رەوانەی نەخۆشخانە کراون و برینێکی بەشێکیان سەختە.
 
هاوکات، دەسەڵاتدارانی ئەو وڵاتە، تاوەکو ئێستا هۆکاری ڕووداوەکەیان بڵاو نەکردووەتەوە، بەڵام لێکۆڵینەوە لە رووداوەکە دەستیپێکردووە.

PUKMEDIA