کەشناسی: پلەکانی گەرما بەبەرزی دەمێنێتەوە

ئاژانسەکان

بەرزبونەوەی پلەکانی گەرما

دەستەی کەشناسی، ئەمڕۆ پێنجشەممە، وردەکاریی دۆخی کەشوهەوای لە سەرجەم ناوچەکان بۆ چوار ڕۆژی داهاتوو ڕاگەیاند و پێشبینیشی کرد بەردەوامی بەرزبوونەوەی پلەکانی گەرما تا هەفتەی داهاتوو بمێنێتەوە.

لە ڕاگەیەندراوێکی دەستەکەدا هاتووە کە "ڕۆژانی هەینی و شەممە، کەشوهەوا ساماڵ دەبێت و پلەکانی گەرما نزیک دەبن لە ڕۆژی پێش خۆیان."

ڕاگەیەندراوەکە ئەوەشی خستەڕوو کە "پلەکانی گەرمای تۆمارکراو بۆ ڕۆژی سبەی هەینی لە سەرجەم پارێزگاکانی عێراق بەم شێوەیە دەبن: دهۆک و سلێمانی 41، هەولێر 43، نەینەوا و کەرکووک و ئەنبار 44، سەلاحەدین 46، بەغدا و دیالە و کەربەلا و نەجەف 47، بابل و واست و دیوانیە و موسەنا 48، و میسان و زیقار و بەسرە 49."

ئاماژەی بەوەش داوە: یەکشەممەی داهاتوو، کەشوهەوا بە گشتی ساماڵ دەبێت لەگەڵ دەرکەوتنی هەندێک هەور هەندێک جار لە ناوچەی باشوور، و پلەکانی گەرما نزیک دەبن لەوەی لە ڕۆژی پێشوودا تۆمارکرابوون.

وتیشی: کەشوهەوای ڕۆژی دووشەممە، بە گشتی ساماڵ دەبێت لەگەڵ دەرکەوتنی هەندێک هەور هەندێک جار لە ناوچەکانی ناوەڕاست و باشوور، و پلەکانی گەرما کەمێک بەرز دەبنەوە بە بەراورد بەوەی لە ڕۆژی پێشوودا لە سەرجەم ناوچەکانی وڵات تۆمارکرابوون.

PUKMEDIA