بریکاری وەزارەتی سامانە سروشتییەکان: ئامادەین 50 هەزار بەرمیل رادەستی بەغداد بکەین

میدیاکان

ئەحمەد موفتی، بریکاری وەزارەتی سامانە سروشتییەکان

ئەحمەد موفتی، بریکاری وەزارەتی سامانە سروشتییەکانی هەرێم رایگەیاند کە ئامادەن لە بەرامبەر دابینکردنی بەنزینی 450 دیناری بۆ هەرێم، 50 هەزار بەرمیلی تەرخانکراو بۆ بەکارهێنانی رۆژانە رادەستی بەغدا بکەن.

موفتی ئاماژەی بەوەش کرد، ئامانجیان دابەشکردنی دادپەروەرانەی بەنزینە لە هەموو عیراق، و پێشنیازیشیان کردووە بڕی نەوتی خاو بۆ بەکارهێنانی ناوخۆی هەرێم زیاد بکرێت.

لە بارەى نەوتى سپیشەوە، ئەحمەد موفتی، رایگەیاند: مافى ڕەواى هاونیشتمانیانە نەوتى سپیان بۆ دابینبکرێت و وەک ناوچەکانی دیکەی عیراق داوای نەوتی سپییان کردووە.

PUKMEDIA