جەخت لە هەماهەنگیی نێوان دەزگا ئەمنییەكانی هەرێم و عیراق دەكرێتەوە

PUKMEDIA

بە سەرپەرشتی جەلال شێخ ناجی كۆبوونەوەیەكی باڵای ئەمنی بەڕێوەچوو

ئەمڕۆ 30ی ئابی 2026،  بەسەرپەرشتی جەلال شێخ ناجی سەرۆكی ئاژانسی پاراستن و زانیاری / زانیاری كۆبوونەوەی باڵای ئەمنی لە بارەگای بەڕێوەبەرایەتی گشتیی دژەتیرۆر لە سلێمانی بەڕێوەچوو .  

لە كۆبوونەوەكەدا هیوا ئەحمەد سەرۆكی دەزگای ئاسایشی هەرێم،  فەریق روكن عومەر ساڵح فەرماندەی هێزەكانی 70 ، وەهاب هەڵەبجەیی بەڕێوەبەری گشتیی دژەتیرۆ CTG ، دیار عومەر فەرماندەی فەرماندەیی هێزەكانی كۆماندۆ  ئادەبوون .

هەڵسەنگاندن بۆ دۆخی ئەمنی و پێشهاتە سەربازییەكانی ناوچەیی و هەرێمایەتی، ئەو هەڕەشەو مەترسیانەی رووبەڕووبەڕووی ئاسایش و سەقامگیری هەرێم دەبنەوە كراو جەخت لە بەردەوامی هەماهەنگی هاوبەش لەنێوان سەرجەم دەزگا ئەمنیی و سەربازییەكان كرایەوە لەپێناو پاراستنی كۆمەڵانی خەڵك و ئاسایشی هەرێمی كوردستان .

كۆبوونەوە بە گرنگییەوە بەدواداچوونی كرد بۆ  هاریكاری بەردەوامی نێوان دەزگا هەواڵگری و هێزەچەكدارەكانی هەرێم و عیراق و دووپات لە فراوانكردنی ئەو پەیوەندیانە كرایەوە ، لە چوارچێوەی پاراستنی بەرژەوەندییە باڵاكان و زاڵبوون بەسەر ئاڵنگارییە ئەمنییەكان لە وڵاتدا .

PUKMEDIA