مەکتەبی سکرتارییەت تێکۆشەرێکی دێرین بەسەردەکاتەوە

تایبەت

مەکتەبی سکرتارییەتی سەرۆک مام جەلال سەردانی تێکۆشەری دێرین مەحمود خۆشناو-یانکرد

رۆژی 31ـی ئابی 2026 مەکتەبی سکرتارییەتی سەرۆک مام جەلال لە شاری هەولێر  سەردانی نوسەر و رووناکبیر و  تێکۆشەری دێرین هەڤاڵ مەحمود خۆشناو-یانکرد .

لەو سەردانەدا مەکتەبی سکرتارییەتی سەرۆک مام جەلال بە گرنگییەوە لە هەواڵ و بارودۆخی تەندروستی هەڤاڵ مەحمود خۆشناو یان پرسییەوە و هیوای سەلامەتی زیاتر و تەندروست باشییان بۆ خواست .

مەکتەبی سکرتارییەت بە شکۆوە مێژوو و قارەمانێتی هەڤاڵ مەحمود خۆشناو یان هێنایەوە بەرباس وەک پێشمەرگەیەکی بە هەڵوێست و سەر راستی شۆڕشی نوێ کە لە هەموو وێستگەکانی خەباتی کوردایەتی  خاوەن مێژوویەکی  زێڕین و پرشنگدارە ، لەبەرامبەر ئەو رابردووە پڕ لەسەروەرییەشدا مەکتەبی سکرتارییەتی سەرۆک مام جەلال سڵاوی ئەمەک و وەفاداری سەرۆک بافڵ و هەڤاڵ قوباد تاڵەبانیان ئاڕاستەکردوو پێزانینیان دەربڕی بەرامبەر بە خەباتی پاک و نەپساوەی .

لای خۆیەوە هەڤاڵ مەحمود خۆشناو سوپاسی بەسەرکردنەوەکەی کردوو روونی کردەوە سەربەرزم بەو خەبات و تێکۆشانەی بۆ گەلەکەمم کردووە وەک رۆڵەیەک بەئەرکم زانیووە خەبات و تێکۆشان بکەم لە پێناو ئازادی گەلەکەمدا .

PUKMEDIA