مەکتەبی سکرتارییەت ئاکۆی جیهاز بەسەردەکاتەوە

تایبەت

سەردانی پێشمەرگەو تێکۆشەری دێرین ئاکۆ حەسەن

رۆژی 2ی ئەیلول 2026 مەکتەبی سکرتارییەتی سەرۆک مام جەلال لە شاری سلێمانی سەردانی پێشمەرگەو تێکۆشەری دێرین هەڤاڵ ئاکۆ حەسەن بەکر ناسراو بە (ئاکۆی جیهاز) یانکرد .

مەکتەبی سکرتارییەت لە نزیکەوە لە هەواڵ و بارودۆخی تەندروستی هەڤاڵ ئاکۆی جیهاز یان پرسییەوە و هیوای سەلامەتی زیاتر و تەندروستی باشتریان بۆ خواست .

مەکتەبی سکرتارییەتی سەرۆک مام جەلال ستایشی رۆڵی جوامێرانەی هەڤاڵ ئاکۆی جیهازیانکرد وەک پێشمەرگەیەکی دڵسۆز و سەر راستی شۆڕشی نوێ ئەرکەکانی سەرشانی بە ئەمەنەتەوە جێبەجێدەکرد ، بە دڵسۆزی و خۆنەویستی بۆ ئەرک و پیشەکەی ببووە جێگا متمانەی هاوڕێ و هاوسەنگەرانی لە شاخ ، لە بەرامبەر ئەو رابردووە پاک و زێڕینەشدا مەکتەبی سکرتارییەتی سەرۆک مام جەلال پەیامی ئەمەک و وەفاداری سەرۆک بافڵ و هەڤاڵ قوباد تاڵەبانییان ئاڕاستەکردو و رێزیان لەو مێژووە دانەبڕاوەی نا .

لایخۆیەوە هەڤاڵ ئاکۆی جیهاز سوپاسی بەسەرکردنەوەکەی کردوو بە شکۆوە باسی لە خەبات و تێکۆشانی کردوو جەختی کردەوە کە تا دوا هەناسە هەر پێشمەرگەی گەلی کورد و یەکێتیی نیشتمانیی کوردستان دەبێت .

PUKMEDIA