مەڵبەندی سۆران کۆنفرانسی کاروباری رێکخراوەیی ئەنجامدا

PUKMEDIA

لۆگۆى یەکێتیى نیشتمانیى کوردستان

مەڵبەندی6ی سۆران بە مەبەستی هەڵسەنگاندن و بەرەوپێشبردنی کارەکانی کۆنفرانسی تاوتوێکردنی مەڵبەند و کاروباری ڕێکخراوەیی بە سەرکەوتوویی بەڕێوەچوو.

بەسەرپەرشتی کاروان گەزنەیی، لێپرسراوی مەڵبەندی سۆران کۆنفرانسەکە بەڕێوەچوو.

کۆنفرانەسەکە، ماوەی یەک ڕۆژی خایاند، بە ئامادەبوونی ستافی پێشوو و ئێستای مەڵبەند و بەرپرسی بازنەکانی هەڵبژاردن و ژمارەیەکی بەرچاو لە هەڤاڵان و بەڕێوەچوو، بەشدارییەکی کارا و ڕاستەوخۆیان تێدا کرد و بیروڕایان ئاڵوگۆڕ کرد.

لە میانەی کۆنفرانسەکەدا، بە وردی و لە کەشێکی بەرپرسیارانەدا، قۆناغی داهاتووی کاروباری ڕێکخراوەیی تاوتوێکرا، پاش هەڵسەنگاندنی تەواوی بابەتەکان، بە کۆدەنگی ئامادەبووان کۆمەڵێک بڕیار و پێشنیازی گرنگ پەسەندکران.

لە کۆتاییدا، کاروان گەزنەیی لێپرسراوی مەڵبەندی سۆران، جەختی لەسەر یەکڕیزی و بەردەوامی هەوڵەکان کردەوە، بۆ سەرخستنی ئامانجەکان و داڕشتنی نەخشەڕێگای نوێ بۆکاراکردنی زیاتری کاروباری ڕێکخراوەیی لە قۆناغی داهاتوودا کردەوە.

PUKMEDIA