كامێرای چاودێری بە درەختەكانەوە جێگر دەكرێت

راگەیاندنی پۆلیسی دارستان و ژینگەی سلێمانی

كامێرای چاودێری بە درەختەكانەوە جێگر دەكرێت

بۆ چاودێریكردنی سروشتی ماوەت و دەستگیركردنی سەرپێچیكاران و ئاگاداربوون لە ژیانی ئاژەڵ و باڵندە كێوییەكان، پۆلیس كامێرای چاودێری بە درەختەكانەوە جێگركرد.

پۆلیسی دارستان و ژینگەی سلێمانی رایگەیاند: بەشی پۆلیسی دارستان و ژینگەی ماوەت چەندین كامێرای چاودێریان لە سنوورەكە جێگیر كردووە بە مەبەستی ئاگاداربوون لە ژیانی ئاژەڵ و باڵندە كێوییەكان و پاراستنیان لە دەستی راوچی و دەستگیركردنی سەرپێچیكاران.

وتیشی: كێوماڵی سنووری گوندەكانی (سەفرە، زەروون، گەڵاڵە، زینوی سپی) و شاخی ئاسۆس كراوەو رێنمایی ژینگەیی دراوە بە هاووڵاتیانی سنوورەكە تا هاوكاربن لە پاراستنی ئاژەڵ و باڵندە كێوییەكان و رێگریش لەو كەسانە بكەن كە هەوڵی راوكردنیان دەدەن.
 
PUKMEDIA