ڕفعەت عەبدوڵا: گەلی كوردستان فێرگەیەكی ڕاستەقینەیە بۆ چاندنی بەها نیشتمانییەكان

راگەیاندنی جێگری سەرۆكی یەكێتی

كەناڵی گەلی كوردستان

ڕفعەت عەبدوڵا، جێگری سەرۆكی یەكێتیی نیشتمانیی كوردستان، بەبۆنەی ساڵیادی پەخشی كەناڵی گەلی كوردستان-ەوە، پەیامێكی پیرۆزبایی ئاڕاستەی بەڕێوەبەرو سەرجەم میدیاكارانی كەناڵەكە دەكات كە ئەمە دەقەكەیەتی:

بەڕێزان... بەڕێوەبەرو سەرجەم میدیاكاران و كارمەندانی كەناڵی گەلی كوردستان

بەبۆنەی ساڵیادی پەخشی (كەناڵی گەلی كوردستان) گەرمترین پیرۆزبایی ئاڕاستەی ئێوەو بینەران و بیسەرانتان دەكەم، ئومێدەوارم هەمیشە لەگەشەسەندن و بەرەو پێشچوندابن.

(كەناڵی گەلی كوردستان) دەسكەوتێكی دیكەی ئەو كاروانە پڕ بەخششەی تێكۆشانی (ی.ن.ك)ە بۆ گەلی كوردستان، كەوەك یەكەم كەناڵی بینراو بەتوانای خۆماڵی بووە سەكۆی گەیاندنی دەنگ و ڕەنگی كوردستانیان.

لەسەردەمێكدا كەپڕە لەتێكەڵبوونی زانیارییەكان و دوركەوتنەوە لەئامانجە ڕاستەقینەكانی میدیا، (گەلی كوردستان) بەهاوسەنگی و بابەتیبوون، بەبەرپرسیاریەتی لەڕووماڵ و بەدواداچوونە ڕۆژنامەوانییەكان، كەهاوتەریبە لەگەڵ ستانداردە باوەكانی میدیایی و ئیتیكی ڕۆژنامەوانی پەیامەكانی دەگەیەنێت و تەنها كەناڵێك نییە بۆ گواستنەوەی هەواڵ و ڕووداوەكان، بەڵكو فێرگەی ڕاستەقینەیە بۆ چاندنی بەها بەرزەكانی نیشتمان و پاراستنی ڕەسەنایەتی گەلەكەمان.

ڕفعەت عەبدوڵا
جێگری سەرۆكی یەكێتیی نیشتمانیی كوردستان

PUKMEDIA