وەزارەتی دارایی وادەی دابەشکردنی مووچەی مامۆستایان و فەرمانبەرانی گرێبەستی ڕاگەیاند

PUKMEDIA

دینارى عیراقى

وەزارەتی دارایی و ئابووریی حکومەتی هەرێمی کوردستان وادەی دابەشکردنی مووچەی مانگی ئابی مامۆستایانی گرێبەستی پەروەردە و خوێندنی باڵا، هاوکات سەرجەم ئەو فەرمانبەرانەی ڕاگەیاند کە لە دوای 1ى7ى2024ەوە دامەزراون و شایستەکانیان لەسەر داهاتی ناوخۆ خەرج دەکرێت.

ڕاگەیاندنی وەزارەتی دارایی و ئابووری لە ڕاگەیەندراوێکدا ئاشکراى دەکات: مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەشدەکرێت.

ڕوونى دەکاتەوە: ڕۆژی دوو شەممە (21 ی ئەیلوول ) دەست بە دابەشکردنی مووچەی مانگی ئابی مامۆستایانی گرێبەستی وەزارەتی پەروەردە و خوێندنی باڵا و توێژینەوەی زانستی دەکرێت و تا ڕۆژی پێنج شەممە (24 ی ئەیلوول ) سەرجەمیان مووچەکانیان وەردەگرن .

ئاماژە بە ئەوەش دەکات: هاوکات لەهەمان کاتدا دەست بە دابەشکردنی مووچەی مانگی ئابی سەرجەم ئەو فەرمانبەرانە دەکرێت کە لەدوای ( 1ى7ى2024 ) بە شێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون و شایستەکانیان لەسەر داهاتی ناوخۆی هەرێمی کوردستان خەرج دەکرێت.


PUKMEDIA